કામની વાત / દશેરાથી છઠ્ઠ સુધી..., ઓક્ટોબરમાં તો જાણે મિનિ વેકેશન! આટલા દિવસ બેંકો રહેશે બંધ

Nidhi Panchal

Last Updated: 09:41 AM, 1 October 2025

FOLLOW ON

શેર કરો

ઓક્ટોબર મહિને તમારા બેંકના કામકાજ અટકી શકે છે... કારણ જાણીને તમે ચોંકી જશો! રિઝર્વ બેંક ઓફ ઈન્ડિયાએ જાહેર કરેલા કેલેન્ડર મુજબ, આ મહિનામાં ઘણી જગ્યાએ બેંકો લાંબા સમય માટે બંધ રહેશે.

ઓક્ટોબર 2025 ખાસ તહેવારો ભરેલો મહિનો છે. આ મહિને દશેરા, દિવાળીથી લઈને છઠ પૂજા જેવા મોટા તહેવારો આવવાના હોવાથી બેંકોમાં ઘણી રજાઓ જાહેર કરવામાં આવી છે. રિઝર્વ બેંકના કેલેન્ડર મુજબ આ મહિને ચાર રવિવાર, બે શનિવાર સહિત અલગ–અલગ રાજ્યોમાં કુલ 15 દિવસ બેંકો બંધ રહેશે.

જો તમે આ દિવસોમાં બેંકના કામ માટે જવાનો વિચાર કરી રહ્યા હો, તો તમારે ચોક્કસપણે રજાની યાદી તપાસવી પડશે, કારણ કે દરેક રાજ્યમાં એકસરખી રજાઓ લાગુ નથી પડતી.

ઓક્ટોબર બેંક રજાઓની યાદી

01 ઓક્ટોબર – મહાનવમી (અગરતલા, બેંગલુરુ, ચેન્નાઈ, ગંગટોક, ગુવાહાટી, ઈટાનગર, કાનપુર, કોચી, કોહિમા, કોલકાતા, લખનૌ, પટના, રાંચી, શિલોંગ, તિરુવનંતપુરમ)
02 ઓક્ટોબર – મહાત્મા ગાંધી જયંતિ/દશેરા/વિજયાદશમી/દુર્ગા પૂજા (દસૈન)/શ્રીશ્રી શંકરદેવ જન્મદિવસ – સર્વત્ર
03-04 ઓક્ટોબર – દુર્ગા પૂજા (ગંગટોક)
05 ઓક્ટોબર – રવિવાર (બધે)
06 ઓક્ટોબર – લક્ષ્મી પૂજા (અગરતલા, કોલકાતા)
07 ઓક્ટોબર – મહર્ષિ વાલ્મીકિ જયંતિ/કુમાર પૂર્ણિમા (બેંગલુરુ, ભુવનેશ્વર, ચંદીગઢ, શિમલા)
10 ઓક્ટોબર – કરવા ચોથ (શિમલા)
11 ઓક્ટોબર – બીજો શનિવાર (સર્વત્ર)
12 ઓક્ટોબર – રવિવાર (બધે)
18 ઓક્ટોબર – કટી બિહુ (ગુવાહાટી)
19 ઓક્ટોબર – રવિવાર (બધે)
20 ઓક્ટોબર – દિવાળી/નરક ચતુર્દશી/કાલી પૂજા (ઘણા રાજ્યોમાં જેમ કે અમદાવાદ, કોલકાતા, નવી દિલ્હી વગેરે)

21 ઓક્ટોબર – દિવાળી અમાવસ્યા/ગોવર્ધન પૂજા (મુંબઈ, નાગપુર, જમ્મુ, શ્રીનગર વગેરે)
22 ઓક્ટોબર – દિવાળી (બાલી પ્રતિપદા)/વિક્રમ સંવત નવું વર્ષ/લક્ષ્મી પૂજન (અમદાવાદ, બેંગલુરુ, કાનપુર, લખનૌ વગેરે)
23 ઓક્ટોબર – ભાઈબીજ/ચિત્રગુપ્ત જયંતિ/નિંગોલ ચક્કોબા (અમદાવાદ, ગંગટોક, ઈમ્ફાલ, કોલકાતા, શિમલા)
26 ઓક્ટોબર – રવિવાર (બધે)
27-28 ઓક્ટોબર – છઠ પૂજા (કોલકાતા, પટના, રાંચી)
31 ઓક્ટોબર – સરદાર વલ્લભભાઈ પટેલ જન્મજયંતિ (અમદાવાદ)