હેલ્થ / શું તમને પણ હાથ પર નસો દેખાય છે? અત્યારે જ જાણી લો આ પાછળના કારણો, સ્વાસ્થ્યની પણ હોય શકે છે સમસ્યા

• હાથમાં ઘણા લોકોને નસો દેખાય છે 
• વજન ઓછું હોવાને કારણે પણ આમ બની શકે છે 
• સ્વાસ્થ્ય માટે ક્યારેક સમસ્યા પણ બની શકે છે 

તમે જોયું હશે કે ઘણા લોકોના હાથની નસો દેખાય છે. નસો દેખાવી એ આમ તો એક સામાન્ય બાબત છે. સામાન્ય રીતે, તેનાથી કોઈ પ્રકારની તકલીફ પડતી નથી. પરંતુ અમુક લોકોના હાથોમાં નસોનું દેખાવું એક સમસ્યા બની શકે છે. આ નસોમાં દુખાવો થઇ શકે છે, આ કારણે રોજીંદા કામકાજ કરવામાં પણ તકલીફ પડી શકે છે. પરંતુ શું તમને ખ્યાલ છે કે હાથમાં નસો શા માટે દેખાય છે? આવો જાણીએ. 

વજન ઓછું હોવું 
હેલ્થ એક્સ્પર્ટસ અનુસાર, હાથોની નસો દેખાવાનું એક કારણ ઓછુ વજન પણ હોય શકે છે. જે લોકો પાતળા હોય છે, તેમના હાથો પર નસો દેખાય છે. આમ તો આ સામાન્ય બાબત છે, પણ ઘણી વાર તકલીફનાં સંકેત પણ હોય શકે છે. 

વ્યાયામ કરવો 
જો તમે વ્યાયામ કરો છો, તો તેનાથી બ્લડ સર્ક્યુલેશન ઝડપી બને છે, જેને કારણે પણ હાથોની નસો દેખાય છે. આ ઉપરાંત, જ્યારે આપને વધારે વજન ઉઠાવીએ છીએ, તો માંસપેશીઓમાં તણાવ થાય છે. આ કારણે નસો ફુલાય છે. જોકે, બ્લડ સર્ક્યુલેશન નોર્મલ થવા પર આ પણ નોર્મલ થઇ જાય છે. 

જેનેટિક 
નસોના ફૂલવાનું કારણ જેનેટિક પણ હોય શકે છે. જો તમારા માતા-પિતા કે અન્ય પરિવારના સદસ્યની નસો ઉભરેલી જોવા મળે છે, તો સંભાવના છે કે તમારા હાથોમાં પણ નસો જોવા મળે. 

વધતી ઉંમર 
આ ઉપરાંત, ઉંમરની સાથે સાથે પણ હાથોની નસો ઉભરવા લાગે છે. ઉંમર વધવાની સાથે જ સ્કીન પાતળી થઇ જાય છે. આ કારણે હાથો પર નસો જોવા મળે છે. ઉંમર વધવા પર નસોમાં વાલ્વ પણ નબળા પડી જાય છે, જેથી નસોમાં બ્લડ જમા થઇ જાય છે અને નસ ઉભરેલી જોવા મળી છે. 

​​​​​​​

વેરીકાઝ વેન્સ 
સામાન્ય રીતે વેરીકાઝ વેન્સ પગ પર વધારે જોવા મળે છે. પરંતુ ઘણી વાર આ હાથો પર પણ જોવા મળે છે. આમાં નસોમાં બ્લડ જમા થવા લાગે છે અને નસો ફુલાઈ જાય છે. આમ થવા પર હાથમાં દુખાવો થાય છે અને તેનો ઈલાજ કરાવવો જરૂરી છે.