- કરીના અને સૈફે પાંચ વર્ષ સુધી ડેટ કર્યા બાદ લગ્ન કર્યા હતા
- લીવ ઇનમાં રહ્યા બાદ સૈફ અલી ખાન સાથે શા માટે લગ્ન કર્યા?
- આ કારણે કરીના કપૂર સૈફ અલી સાથે લગ્ન કરવા માંગતી હતી
બોલીવુડના ક્યૂટ કપલ્સમાં ગણાતા કરીના કપૂર ખાન અને સૈફ અલી ખાનએ એકબીજાને પાંચ વર્ષ સુધી ડેટ કર્યા બાદ 2012માં મુંબઈમાં લગ્ન કર્યા હતા. આ પછી બંનેને બે બાળકો તૈમુર અલી ખાન અને જહાંગીર અલી ખાન છે. જોકે, લગ્ન બાદ અભિનેત્રી લાંબા સમય સુધી ફિલ્મ ઈન્ડસ્ટ્રીથી દૂર રહી હતી. તાજેતરમાં, અભિનેત્રી સુજોય ઘોષ દ્વારા નિર્દેશિત ફિલ્મ 'જાને જાન'માં જોવા મળી હતી, જે ઓટીટી પર રિલીઝ થઈ હતી.
ફિલ્મમાં અભિનેત્રીના પાત્રને ખૂબ પસંદ કરવામાં આવ્યું હતું. આ દરમિયાન અભિનેત્રીએ એક મેગેઝીનને પોતાનો ઈન્ટરવ્યુ આપ્યો હતો. જેમાં અભિનેત્રીએ તેના લગ્ન જીવન વિશે ખુલીને વાત કરી અને કહ્યું કે તેણે 5 વર્ષ સુધી ડેટ કર્યા પછી સૈફ અલી ખાન સાથે શા માટે લગ્ન કર્યા?વાત કરતા કરીના કપૂરે તેના લગ્ન, પેરેન્ટહુડ, તેના બાળકો તૈમુર-જહાંગીર સાથે કોઈપણ દબાણ વગર પોતાનું જીવન જીવવા અને તેના માનસિક સ્વાસ્થ્યની કાળજી લેવાની તેની ઈચ્છા વિશે વાત કરી.
આ કારણે કરીના કપૂર સૈફ અલી સાથે લગ્ન કરવા માંગતી હતી
અભિનેત્રીએ કહ્યું, 'સૈફ અને મેં એકબીજાને પાંચ વર્ષ સુધી ડેટ કર્યા હતા અને જ્યારે અમે આગળ વધવાનું નક્કી કર્યું તો તેની પાછળનું કારણ એ હતું કે અમે બાળક ઈચ્છતા હતા. ' સૈફ અલી ખાને પ્રથમ લગ્ન વર્ષ 1991માં અમૃતા સિંહ સાથે કર્યા હતા. આ પછી બંનેએ અલગ થવાનો નિર્ણય લીધો અને વર્ષ 2004માં છૂટાછેડા લઈ લીધા. બંનેને બે બાળકો સારા અલી ખાન અને ઈબ્રાહિમ અલી ખાન છે. સૈફ અને કરીનાએ ફિલ્મ 'ટશન' દરમિયાન એકબીજાને ડેટ કરવાનું શરૂ કર્યું હતું.
કરીના કપૂરે બાળકો વિશે શું કહ્યું?
બાળકોના ઉછેર વિશે વાત કરતાં કરીના કપૂરે કહ્યું, 'અમે બાળકોને માણસ તરીકે જોઈએ છીએ અને માનીએ છીએ. અમે તેમનો આદર કરીએ છીએ અને અમે તેમને જેમ રહેવું હોય એમ રહેવા દઈએ છીએ. તેઓ પોતાનો રસ્તો શોધી લેશે. અભિનેત્રીએ કહ્યું, 'બાળકો બધું જાતે શીખી જાય છે, હું મારા બાળકોની સામે મારું જીવન જીવવા માંગુ છું. હું તેની સાથે બધું કરવા માંગુ છું. આપણે ખુશ રહેવાનું છે, તો જ તેઓ ખીલશે.'
