પાક.માં આતંકી કૃત્ય / BIG NEWS : કરાંચી યુનિવર્સિટીમાં આત્મઘાતી હુમલો, 3 ચીની નાગરિક સહિત 4ના મોત

• પાકિસ્તાના કરાંચીની યુનિવર્સિટીમાં વાનમાં થયો બ્લાસ્ટ
• 3 ચીની નાગરિકોના મોત
• એક પાકિસ્તાની ડ્રાઈવરનું મોત
• ઘણા ઘાયલ થયા હોવાની ખબર 

પાકિસ્તાનની કરાંચી યુનિવર્સિટીમાં થયેલા વિસ્ફોટમાં પાંચ લોકોના મોત થયા છે, જ્યારે અન્ય ઘણા લોકો ઘાયલ થયા હોવાની આશંકા વ્યક્ત કરવામાં આવી રહી છે. પાકિસ્તાનમાં સ્થાનિક મીડિયા રિપોર્ટ્સ અનુસાર, આ વિસ્ફોટ કરાચી યુનિવર્સિટીના કન્ફ્યુશિયસ ઇન્સ્ટિટ્યૂટ પાસે એક વાનમાં થયો હતો. વિસ્ફોટ બાદ વાનમાં આગ લાગી હતી.

#BREAKING: 4 Chinese national died in a blast in a vehicle inside Karachi university. pic.twitter.com/7XCBRLRAwO

— Asad Ali Toor (@AsadAToor) April 26, 2022

ત્રણ ચીની નાગરિકોના મોત અને એક ઘાયલ
પાકિસ્તાની મીડિયા રિપોર્ટની ખબર અનુસાર, વિસ્ફોટમાં કુલ પાંચ લોકોના મોત થયા છે તથા બે ઘાયલ થયા છે. મરનાર લોકોમાં 3 ચીની નાગરિકો હતા. મૃતકોની ઓળખ કન્ફ્યુશિયસ ઈન્સ્ટીટ્યુટના ડિરેક્ટર ઝુઆંગ ગુઈપિંગ, ડિંગ મુપેંગ, ચેન સા અને ડ્રાઈવર ખાલીદ તરીકે થઈ છે. બે ઘાયલોમાં એક ચીની નાગરિકોનો પણ સમાવેશ થાય છે. 

ઘટનાનો વીડિયો આવ્યો સામે 
કરાચી યુનિવર્સિટી કેમ્પસમાં લાગેલી આગના વીડિયોમાં એક સફેદ રંગની વાનમાં આગની જ્વાળા જોવા મળી રહી છે. વાનની ટોચ પરથી ધુમાડાના ગોટેગોટા નીકળી રહ્યા છે, જ્યારે આસપાસની ઇમારતોની બારીઓ તૂટેલી જોવા મળી રહી છે. અહેવાલોમાં કહેવામાં આવ્યું છે કે વાન વાણિજ્ય વિભાગની બાજુમાં કન્ફ્યુશિયસ ઇન્સ્ટિટ્યૂટ તરફ વળી હતી જ્યારે તેમાં વિસ્ફોટ થયો હતો અને આગ લાગી હતી.ઉર્દૂ ભાષા જંગ અખબારના રિપોર્ટમાં કહેવામાં આવ્યું છે કે આ વિસ્ફોટ દૂરથી નિયંત્રિત ઉપકરણના કારણે થયો હતો.

વાનમાં વિસ્ફોટનું કારણ શું છે?
સ્થાનિક પોલીસનું કહેવું છે કે વાનમાં વિસ્ફોટ અને આગ કુદરતી કારણોસર થઈ હતી. એસપી ગુલશને કહ્યું કે બ્લાસ્ટનો અવાજ ખૂબ જ જોરદાર હતો, તેથી બોમ્બ ડિસ્પોઝલ સ્ક્વોડને પણ ઘટના સ્થળે બોલાવવામાં આવી હતી, પરંતુ આ બધું કુદરતી કારણોસર થયું છે. સિંધના આઈજી મુસ્તાક અહમદ મહારે મુખ્યમંત્રી મુરાદ અલી શાહ સાથે ટેલિફોન કોલમાં પાંચ લોકોના મોતની પુષ્ટિ કરી છે. મુખ્યમંત્રી કાર્યાલયના એક હેન્ડઆઉટમાં અધિકારીને ટાંકીને કહેવામાં આવ્યું છે કે વિસ્ફોટ બપોરે 2:30 વાગ્યાની આસપાસ એક વાનમાં થયો હતો.

Blast in Karachi University. 2 Chinese national among the 4 dead, several critically injured pic.twitter.com/aEJotmhgP2

— Murtaza Ali Shah (@MurtazaViews) April 26, 2022

બલુચ લિબરેશન આર્મીએ હુમલાની જવાબદારી સ્વીકારી 

બલુચ લિબરેશન આર્મીએ કરાંચી યુનિવર્સિટીમાં થયેલા આત્મઘાતી હુમલાની જવાબદારી લીધી છે.