એક્શન / હવે જાગી કાનપુર પોલીસ! પુણે પોર્શ કાંડ જોઈ સગીર આરોપીને 6 મહિના બાદ દબોચ્યો

Kanpur News : પુણે પોર્શની ઘટના બાદ યુપીની કાનપુર પોલીસ પણ એક્શનમાં આવી છે. વાત જાણે એમ છે કે, અહીં ગયા વર્ષે ઓક્ટોબરમાં એક સગીરે બે બાળકોને કચડી નાખ્યા હતા જેના કારણે તેઓનું ઘટનાસ્થળે જ મોત થયું હતું. આ મામલે તપાસ પણ કરવામાં આવી હતી પરંતુ સમજૂતી બાદ સગીરને છોડી મૂકવામાં આવ્યો હતો. જે બાદમાં ગયા મહિને જ આ સગીરે ફરી અન્ય એક અકસ્માતમાં ચાર લોકોને કચડી નાખ્યા હતા. આ તરફ હવે પુણેની ઘટના પ્રકાશમાં આવ્યા બાદ આખરે સગીરની ધરપકડ કરવામાં આવી છે.

એવું કહેવામાં આવી રહ્યું છે કે, 15 વર્ષના છોકરાની બેદરકારીથી ડ્રાઇવિંગને કારણે ગયા વર્ષે બે બાળકોના મોત થયા હતા પરંતુ તેની સામે કોઈ કાર્યવાહી કરવામાં આવી ન હતી. હવે બુધવારે કસ્ટડીમાં લીધા બાદ તેને ચિલ્ડ્રન હોમમાં મોકલી દેવામાં આવ્યો છે. એવું કહેવામાં આવી રહ્યું છે કે અકસ્માતના બંને કેસમાં FIR નોંધવામાં આવી હતી પરંતુ બુધવાર સુધી આરોપીની ધરપકડ કરવામાં આવી ન હતી.

સગીરના પિતા છે કાનપુરના મેજર ડોક્ટર

પુણે હિટ એન્ડ રન કેસ પ્રકાશમાં આવ્યા બાદ જ કાનપુર પોલીસ એક્શનમાં આવી અને સગીરની ધરપકડ કરી. કહેવામાં આવી રહ્યું છે કે, બંને કેસમાં કાનપુરના જાણીતા ડોક્ટર એવા સગીર પિતા વિરુદ્ધ પણ કેસ નોંધવામાં આવ્યો છે.

વધુ વાંચો : મા-દીકરી સાથે હેવાનિયત! પ્રેમમાં ફસાવી ઉતાર્યો અશ્લીલ વીડિયો, બાદમાં બ્લેકમેલ કરી બંને પર દુષ્કર્મ

બે બાળકોના થયા હતા મોત

પ્રથમ અકસ્માત ગયા વર્ષે ઓક્ટોબરમાં થયો હતો જ્યાં સગીર તેના અન્ય ત્રણ સગીર મિત્રો સાથે ડ્રાઇવિંગ કરી રહ્યો હતો. તેણે કારને મેગીની દુકાનમાં ચડાવી દીધી, જેમાં સાગર નિષાદ અને આશિષ રામ ચરણ નામના બે બાળકોના મોત થયા. આરોપી વિરુદ્ધ ભારતીય દંડ સંહિતાની કલમ 304A હેઠળ કેસ નોંધવામાં આવ્યો હતો. થોડા મહિનાઓ પછ 31 માર્ચ, 2024ના રોજ આરોપીએ ફરીથી ચાર લોકોને કાર ચલાવતી વખતે કચડી નાખ્યા જેમાં તેઓને ગંભીર ઈજા થઈ. આ કેસમાં તેના પર આઈપીસીની કલમ 279 અને 338 લગાવવામાં આવી હતી પરંતુ હજુ સુધી કોઈની ધરપકડ કરવામાં આવી નથી.