ટી20 વર્લ્ડ કપ / મજા બગડી ! વરસાદને કારણે ભારત-કેનેડા મેચ કેન્સલ, જાણો હવે શું થશે?

વરસાદને કારણે કેનેડા સામેની મેચ ધોવાઈ જતાં ટી 20 વર્લ્ડ કપમાં ભારતની લીગ મેચો પૂરી થઈ છે. ફ્લોરિડામાં સેન્ટ્રલ બ્રોવર્ડ પ્રાદેશિક પાર્ક સ્ટેડિયમમાં મેદાનમાં ખૂબ વરસાદ પડતાં ભારતીય સમય અનુસાર રાત્રે 9 વાગે મેદાનનું નિરીક્ષણ કર્યા બાદ અમ્પાયરોએ મેચ રદ કરવાનો નિર્ણય લીધો હતો.

ભારતની લીગ સ્ટેજની મેચો પૂરી

2024ની લીગ સ્ટેજમાં ભારતની આ છેલ્લી મેચ હતી. હવે 20 જુને ભારત અફઘાનિસ્તાન સામે રમશે ત્યાર બાદ 22મીએ બાંગ્લાદેશ અને 24 જૂનના રોજ સુપર-8માં છેલ્લી મેચ ઓસ્ટ્રેલિયા સામે રમશે.

વધુ વાંચો : વિરાટ કોહલી પાસે છેલ્લી તક! T20 વર્લ્ડ કપની સુપર-8ની મેચમાં ટીમ ઈન્ડિયાની મુશ્કેલી વધશે

પોઈન્ટ ટેબલમાં ભારતીય ટીમ 7 પોઈન્ટ સાથે ટોપ

ગ્રુપ-Aના પોઈન્ટ ટેબલમાં ભારતીય ટીમ 7 પોઈન્ટ સાથે ટોપ પર છે અને હવે ટોપ પર રહેશે. જ્યારે અમેરિકન ટીમ 5 પોઈન્ટ સાથે બીજા સ્થાને છે અને તેણે સુપર 8માં પણ એન્ટ્રી લીધી છે. અમેરિકાએ પાકિસ્તાન અને કેનેડાને હરાવ્યું હતું, જ્યારે તે ભારતના હાથે હારી ગયું હતું. કેનેડાની ટીમ 3 પોઈન્ટ સાથે ચોથા સ્થાને છે. આ પછી પાકિસ્તાન અને આયર્લેન્ડ આવે છે.