5 ફોટો ગેલેરી

ભરતી 2026 / યુવાઓ માટે બેંકમાં નોકરી કરવાનો શાનદાર મોકો, 1500 જગ્યાઓ ખાલી, બસ જોઈશે આ લાયકાત

Last Updated: 09:57 AM, 7 November 2026

FOLLOW ON

શેર કરો

ઇન્ડિયન બેંકે 1500 એપ્રેન્ટિસની ભરતી માટે અરજી પ્રક્રિયા શરૂ કરી છે. ગ્રેજ્યુએટ ઉમેદવારો 25 નવેમ્બર, 2026 સુધી ઓફિશિયલ વેબસાઇટ પર ઓનલાઇન ફોર્મ ભરી શકે છે.

1/5

1. 1500 એપ્રેન્ટિસની ભરતી પ્રક્રિયા શરુ

ઇન્ડિયન બેંકે 1500 એપ્રેન્ટિસની ભરતી માટે અરજી પ્રક્રિયા શરૂ કરી છે. રસ ધરાવતા અને પાત્ર ઉમેદવારો ૫ નવેમ્બર, ૨૦૨૬થી ઓનલાઇન અરજી કરી શકે છે. આ ભરતી માટે અરજી કરવાની અંતિમ તારીખ 25 નવેમ્બર, 2026 છે. ઉમેદવારો બેંકની સત્તાવાર વેબસાઇટ indianbank.bank.in પર જઈને અરજી ફોર્મ ભરી શકે છે. આ ભરતી માટે કોઈપણ વિદ્યાશાખામાં ગ્રેજ્યુએશન ડિગ્રી હોવી અનિવાર્ય છે. પસંદગી ઓનલાઇન પરીક્ષાના આધારે કરવામાં આવશે.

આ તસવીર શેર કરો

2/5

2. કોણ કરી શકે છે અરજી?

આ ભરતી માટે અરજી કરવા માટે, ઉમેદવારો પાસે માન્ય યુનિવર્સિટીમાંથી કોઈપણ વિદ્યાશાખામાં સ્નાતકની પદવી હોવી આવશ્યક છે. કેન્દ્ર સરકાર દ્વારા માન્ય સમકક્ષ લાયકાત ધરાવતા ઉમેદવારો પણ અરજી કરવા માટે પાત્ર છે. ઉમેદવારોએ તેમનો સ્નાતક અભ્યાસ 1 એપ્રિલ, 2022 અને 1 નવેમ્બર, 2026 ની વચ્ચે પૂર્ણ કરેલો હોવો જોઈએ.

આ તસવીર શેર કરો

3/5

3. એજ લિમિટ અને છૂટ

આ પદ માટે અરજી કરનારા ઉમેદવારોની ઉંમર ઓછામાં ઓછી 20 વર્ષ અને વધુમાં વધુ 28 વર્ષ હોવી જોઈએ. ઉંમરની ગણતરી 1 નવેમ્બર, 2026ના રોજની સ્થિતિ મુજબ કરવામાં આવશે; જેનો અર્થ એ છે કે ઉમેદવારનો જન્મ 2 નવેમ્બર, 1998 પહેલાં અથવા 1 નવેમ્બર, 2006 પછી થયેલો ન હોવો જોઈએ. વધુમાં, SC, ST, OBC અને PwBD કેટેગરીના ઉમેદવારોને સરકારી નિયમો અનુસાર ઉંમરની ઉપલી મર્યાદામાં છૂટછાટ આપવામાં આવશે.

આ તસવીર શેર કરો

4/5

4. NATS 2.0 પોર્ટલ પર રજિસ્ટ્રેશન જરુરી

બેંકમાં અરજી કરતા પહેલા, ઉમેદવારોએ NATS 2.0 એપ્રેન્ટિસશિપ પોર્ટલ પર નોંધણી કરાવવી આવશ્યક છે. આ માટે, તેમણે https://nats.education.gov.in/ ની મુલાકાત લેવી પડશે. નોંધણી પૂર્ણ થયા બાદ મળેલ 'એનરોલમેન્ટ આઈડી'ને સુરક્ષિત જગ્યાએ રાખવું મહત્વપૂર્ણ છે, કારણ કે ભવિષ્યમાં બેંક સાથેના પત્રવ્યવહાર માટે તેની જરૂર પડી શકે છે. જો નોંધણી દરમિયાન કોઈ મુશ્કેલી ઊભી થાય, તો ઉમેદવારો પોર્ટલ પર ઉપલબ્ધ 'સ્ટુડન્ટ મેન્યુઅલ' જોઈ શકે છે.

આ તસવીર શેર કરો

5/5

5. કેવી રીતે કરવી અરજી ?

(1) સૌપ્રથમ, ઇન્ડિયન બેંકની વેબસાઇટ indianbank.bank.in ની મુલાકાત લો. (2) હોમપેજ પર 'Recruitment' (ભરતી) વિભાગ ખોલો. (3) એપ્રેન્ટિસ ભરતી માટેની રજિસ્ટ્રેશન લિંક પર ક્લિક કરો. (4) જરૂરી માહિતી આપીને નોંધણી કરો. (5) અરજી ફોર્મમાં તમામ આવશ્યક વિગતો ભરો. (6)નિર્ધારિત અરજી ફી ચૂકવો. (7) ફોર્મ સબમિટ કર્યા પછી, કન્ફર્મેશન પેજ ડાઉનલોડ કરો.અરજી માટેની લિંક: : https://ibpsreg.ibps.in/inbraoct26/

આ તસવીર શેર કરો

સંકળાયેલા મુદ્દાઓ

Indian Bank Recruitment Announced 1500 Apprentice Posts Job Opportunity Graduates