BIG NEWS / શિક્ષકો માટે મોટા સામાચાર : જીતુ વાઘાણીએ બદલી કેમ્પ અને વિદ્યાસહાયકને લઇને કરી જાહેરાત

• શિક્ષક બદલી કેમ્પ મુદ્દે જીતુ વાઘાણીનું નિવેદન
• આગામી સમયમાં વધ ઘટ બદલી કેમ્પ થશે
• સામાન્ય વહીવટી વિભાગમાં ફાઇલ મોકલાઇ છે
• ટૂંક સમયમાં બદલી કેમ્પનું આયોજન થશે

શિક્ષક બદલી કેમ્પ મુદ્દે જીતુ વાઘાણીનું મોટું નિવેદન 

શિક્ષણમંત્રી જીતુ વાઘાણીએ મહત્વની જાહેરાત કરતાં જણાવ્યું હતું કે, આજે 3.30 કલાકે કામ ચલાઉ વિદ્યા સહાયકનું મેરિટ જાહેર કરાશે. જેમાં 3300 શિક્ષકોની ભરતીથી કેટલીક જગ્યા ભરાશે. તેમજ આગામી સમયમાં વધ ઘટ બદલી કેમ્પ કરવામાં આવશે. મહત્વનું છે કે, બદલી માટે શિક્ષણ વિભાગે કેટલાક નિયમો બનાવ્યા છે. આ મામલે શિક્ષણ વિભાગે સામાન્ય વહીવટી વિભાગમાં ફાઇલ મોકલી છે. તેમજ ટૂંક સમયમાં શિક્ષકોના બદલી કેમ્પનું આયોજન કરવામાં આવશે 

શિક્ષણ વિભાગ દ્વારા વર્ષ ૨૦૨૨ વિદ્યાસહાયક ભરતી માટે કેટલીક ઉપયોગી માહિતી pic.twitter.com/FWsUfUTBrM

— Jitu Vaghani (@jitu_vaghani) March 16, 2022

આજે બપોરે કામચલાઉ વિદ્યાસહાયકનું મેરીટ જાહેર કરાશે

શિક્ષણમંત્રી જીતુ વાઘાણીએ ટ્વિટ કરીને જાણકારી આપી હતી કે, આજે બપોરે 3.30 કલાકે કામચલાઉ મેરીટ યાદી જાહેર કરાશે. તેમજ  ઉમેદવારોને કોઈ ક્ષતિઓ હોય તો સુધારો કરવામાં આવશે. 17 માર્ચથી 23 માર્ચ સુધી સુધારા અરજી કરી શકાશે