હાલ દેશમાં લોકડાઉનને કારણે ડેટાની માંગ ખૂબ જ વધી ગઈ છે. એવામાં રિલાયન્સ જિયોએ વર્ક ફ્રોમ હોમનો નવો પ્લાન લોન્ચ કર્યો છે. જેમાં કંપનીએ એક વાર્ષિક વર્ક ફ્રોમ હોમ પ્લાન લોન્ચ કર્યો છે. જેમાં દરરોજ 2 જીબી ડેટા મળશે.
જિયો તેના ગ્રાહકોની જરૂર મુજબ નવા નવા પ્લાન લાવતું રહે છે
હવે વર્ક ફ્રોમ હોમના વાર્ષિક પ્લાનમાં જિયોએ શરૂ કરી આ સુવિધા
ગ્રાહકો એડ-ઓન પ્લાન લઈને વધુ ડેટાનો આનંદ માણી શકશે
રિલાયન્સ જિયોએ કેટલાક એડ-ઓન પ્લાન્સ પણ લોન્ચ કર્યાં છે. જેમાં એન્યુઅલ પ્લાન લીધા બાદ પણ રિચાર્જ કરાવી શકાય છે. જિયોના ત્રણ એડ-ઓન પ્લાન્સ છે. 151 રૂપિયાનો, 201 રૂપિયાનો અને 251 રૂપિયાનો પ્લાન. હવે જિયોના 2399 રૂપિયાના વાર્ષિક વર્ક ફ્રોમ હોમ પ્લાનની વાત કરીએ તો આ પ્લાનમાં યુઝર્સને રોજ 2 જીબી ડેટા મળશે. સાથે જ વોઈસ કોલ અને એસએમએસ અનલિમિટેડ રહેશે. આ પ્લાનની વેલિડિટી 365 દિવસની હશે.
કંપનીની પાસે 2121 રૂપિયાનો એક વધુ વાર્ષિક વર્ક ફ્રોમ હોમ પ્લાન છે. જેમાં દરરોજ 1.5 જીબી ડેટા મળે છે. આ પ્લાનની વેલિડિટી 336 દિવસની છે. આ પ્લાનમાં પણ વોઈસ કોલ અને એસએમએસ અનલિમિટેડ રહેશે.
હવે કંપનીના એડ-ઓન પ્લાન્સનની વાત કરીએ તો 151 રૂપિયાના રિચાર્જ પર 30 જીબી ડેટા મળશે. આ ડેટાની વેલિડિટી તમને બેસિક વર્ક ફ્રોમ હોમ પ્લાનના આધારે મળશે. એટલે કે, 365 દિવસની વેલિડિટી હશે તો આ ડેટા ત્યાં સુધી ચાલશે અને જો તમે રોજનું 2 જીબી ડેટા વાપરી લીધું હશે તો પછી તમારા 151 રૂપિયા એડ-ઓન પ્લાનમાંથી મળતાં 30 જીબીમાંથી ડેટા કપાશે. જ્યારે આજ રીતે 201 રૂપિયાના એડ-ઓન પ્લાનમાં 40 જીબી ડેટા અને 251 રૂપિયાના પ્લાનમાં 50 જીબી ડેટા મળશે.