ઘટના / રાજુને ભગવાન બચાવે: જામનગરના ગોવાણા ગામમાં 2 વર્ષનો બાળક બોરવેલમાં પડ્યો, અંદર ફસાયાની તસવીરો આવી સામે

• જામનગરના ગોવાણામાં બોરમાં પડ્યું બાળક
• રમતા રમતા ખુલ્લા બોરમાં પડ્યું બાળક
• ફાયરબ્રિગેડની ટીમ ઘટનાસ્થળે

જામનગરના ગોવાણા ગામના સીમ વિસ્તારમાં બોરમાં બાળક પડ્યાની ઘટના સામે આવી છે. વાલોરવાડી વિસ્તારમાં રમતા રમતા ખુલ્લા બોરમાં બાળક પડી ગયું છે. બાળક બોરવેલમાં દેખાતુ હોવાનું સ્થાનિકોએ જણાવી રહ્યાં છે. જો કે, સમગ્ર ઘટનાના પગલે ફાયર વિભાગની ટીમ ઘટના સ્થળે પહોંચી છે. 

ફાયરબ્રિગેડે રેસ્ક્યુ કામગીરી હાથ ધરી
પાપ્ત માહિતી મુજબ ગોવાણા ગામની સીમમાં એક આશારે બે વર્ષની ઉંમરનું બાળક રમતા રમતા કૂવામાં પડી ગયું છે. જેની જાણ થતાં સ્થાનિકોએ 108 અને ફાયર વિભાગને જાણ કરી હતી.  જો કે, અત્યારે બાળકીને બચાવવા માટેની કામગીરી હાથ ધરાઈ છે. ઉલ્લેખનીય છે. ઘટનાના પગલે સ્થાનિક તંત્ર પર બનાવ સ્થળે પહોંચ્યું છે.

10 થી 12 ફૂટ ઉંડે બોરમાં ફસાયું બાળક
રાજુ નામનુ 2 વર્ષનુ બાળક બોરમાં ફસાયુ છે, જે 10 થી 12 ફૂટ ઉંડે બોરમાં ફસાઈ ગયુ છે. જેના પગલે જેસીબીથી નજીકમાં ખાડો ખોદવામાં આવી રહ્યો છે. બાળકને બોરવેલમાં એક્સીજન પણ અપાઈ રહ્યો છે. તંત્ર બાળકને બચાવવા કામે લાગ્યુ છે.

જાણીએ સુપ્રિમ કોર્ટની ગાઈડલાઇન
બોરવેલ અકસ્માતને રોકવા માટે સુપ્રિમ કોર્ટની ગાઈડલાઇન જાણીએ તો બોરવેલની બનાવવાનો હોય ત્યારે તે સબંધિત કચેરીમાં નોંધણી કરાવવી જોઈએ. બોરવેલ ખોદવામાં આવી રહ્યો છે ત્યાં સાઈન બોર્ડ લગાવવું જરૂરી છે.  સાઈન બોર્ડ પર ટ્યુબવેલ ખોદતી અથવા પુનઃસ્થાપિત કરતી એજન્સીનું સંપૂર્ણ સરનામું અને બોરવેલના માલિક અથવા તેનો ઉપયોગ કરતી એજન્સીની વિગતો હોવી જોઈએ. બોરવેલના બનાવ્યા બાદ તેના કેસીંગ પાઇપની આસપાસ સિમેન્ટ/કોંક્રીટનું પ્લેટફોર્મ બનાવવામાં આવે છે. જ્યાં ઊંચાઈ 0.30 મીટર હોવી જોઈએ. પ્લેટફોર્મ જમીનમાં 0.30 મીટર ઊંડું બનાવવાનું રહેશે. કેસીંગ પાઈપના મુખ પર સ્ટીલ પ્લેટને વેલ્ડિંગ કરવી જોઈએ અથવા તેને નટ-બોલ્ટ વડે ફીટ કરવું. આ વ્યવસ્થાનો હેતુ બાળકોને ટ્યુબવેલના ખુલ્લા મોંને કારણે પડી જવાના જોખમથી બચાવવાનો છે

બોરવેલમાં પડવાથી મોત ઘટના
2018માં ગુજરાતમાં 15 બાળકોના મોત
2019માં ગુજરાતમાં 10 બાળકોના મોત
2020માં ગુજરાતમાં 5 બાળકોના મોત
2021માં ગુજરાતમાં એક પણ બનાવ બન્યો નથી
2023માં તાજેતરમાં જામનગરમાં બનાવ બન્યો હતો તેમાં 1નું મોત