ઉજવણી / આજે LoC ખાતે PM મોદી દેશના જવાનો સાથે ઉજવશે દિવાળી, જુઓ અત્યાર સુધીમાં ક્યારે-ક્યારે જમ્મુ આવી ચૂક્યાં?

• LOC પર દિવાળી ઉજવશે PM મોદી 
• દેશના જવાનો સાથે PM મોદી કરશે ઉજવણી
• જુઓ અત્યાર સુધીમાં ક્યારે-ક્યારે જમ્મુ આવી ચૂક્યાં?

પ્રધાનમંત્રી નરેન્દ્ર મોદી આ વર્ષે દિવાળી જમ્મુમાં LOC પર ભારતીય જવાનો સાથે ઉજવશે. પ્રધાનમંત્રીના આ પ્રવાસને લઈને ઓફિશ્યલ રીતે સેના કે જમ્મુ કાશ્મીર પ્રશાશને શનિવારે રાત સુધી કોઈ નિવેદન આપ્યું ન હતું પરંતુ સંબંધિત સૈન્ય યુનિટમાં તેમના આગમનની તૈયારીઓને અંતિમ રૂપ આપવામાં આવ્યું છે. 

PM મોદી જવાનોની સાથે ખાશે દિવાળીની મીઠાઈ
સંબંધિત સૂત્રોએ જણાવ્યું કે પ્રધાનમંત્રી જ્યૌડિયાના રક્ખ મુટ્ઠી ક્ષેત્રમાં સેનાના જવાની સાથે દિવાળીની મીઠાઈ ખાશે. તે બપોર બાદ દિલ્હી પરત ફરતા પહેલા એક સૈનિક સન્મેલનને પણ સંબોધિત કરશે. 

પ્રધાનમંત્રી પદ પર આવ્યા બાદ પ્રધાનમંત્રી મોદી દર વર્ષે દિવાળી આંતરરાષ્ટ્રીય બોર્ડર, નિયંત્રણ રેખા પર અથવા તો વાસ્તવિક નિયંત્રણ રેખા પર સૈનિકોની સાથે જ ઉજવે છે. 

ક્યારે ક્યારે દિવાળી ઉજવવા જમ્મુ આવ્યા PM મોદી? 
પ્રધાનમંત્રીએ વર્ષ 2014માં સિયાચિન ગ્લેશિયરમાં વર્ષ 2015માં પંજાબના અમૃતસરમાં, વર્ષ 2016માં હિમાચલ પ્રદેશના કિન્નૌરમાં અને વર્ષ 2017માં કાશ્મીરના ગુરેજમાં સૈનિકો સાથે દિવાળી સેલિબ્રેટ કરી હતી. 

ત્યાર બાદ વર્ષ 2018માં પ્રધાનમંત્રીએ ઉત્તરાખંડના કેદારનાથમાં અને વર્ષ 2019માં જમ્મુ સંભાગના રાજૌરીમાં સેનાના જવાનો સાથે દિવાળી સેલિબ્રેટ કરી હતી. પ્રધાનમંત્રીએ વર્ષ 2020માં દિવાળી રાજસ્થાનથી જેસલમેરમાં ઉજવી, વર્ષ 2021માં રાજૌરી જિલ્લાના નૌશહરા અને વર્ષ 2022માં કારગિલમાં દિવાળી ઉજવી હતી.