લોકસભા ચૂંટણી 2024 / 'મોદી સાહેબ સામે ક્ષત્રિય સમાજ ઉભો થાય તે યોગ્ય નથી' પરષોત્તમ રૂપાલાએ માગી માફી કરી વિનંતી

ક્ષત્રિય સમાજ સામે વિવાદીત નિવેદનને લઇને રાજકોટ લોકસભા બેઠક પર ભાજપના ઉમેદવાર પરષોત્તમ રૂપાલાએ ફરીએકવાર સ્વીકાર્યુ કે તેમનાથી ભૂલ થઇ ગઇ હતી... જસદણમાં સભા સંબોધતા તેમણે કહ્યું કે ભૂલ મારી હતી, મારા લીધે મોદી સાહેબની સામે ક્ષત્રિય સમાજ ઉભો થઇ જાય તે યોગ્ય નથી. મેં માફી માંગી છે. આ ચૂંટણીમાં હાર કે જીતનો મુદ્દો નથી પરંતુ સમાજ જીવનના તાણાવાણાને સ્પર્શતો મુદ્દો છે. સમજણનો નવો સેતુબંધ બાંધવાનો પ્રયાસ છે. મારી વિનંતી છે કે ક્ષત્રિયો આ વિષયને રાજકારણથી દુર રાખે.. 

રાષ્ટ્રના ઘડતર અને પાર્ટીના વિકાસની અંદર ક્ષત્રિયોનું મોટુ યોગદાનઃ રૂપાલા 

તેમણે કહ્યું કે મારે ક્ષત્રિય સમાજને કહેવું છે કે તમારા યોગદાનને યાદ કરો, આ રાષ્ટ્રના ઘડતર અને પાર્ટીના વિકાસની અંદર કેવડુ મોટુ યોગદાન. મોદી સાહેબ જેવા પ્રધાનમંત્રી જ્યારે 18-18 કલાક દેશ હિત માટે કામ કરતા હોય ત્યારે તેમની વિકાસયાત્રામાં સાથી તરીકે હું કેટલા ક્ષત્રિયોના નામ લઇ શકું. .એ ક્ષત્રિય સમાજ આજે મારા કારણે મોદી સાહેબની સામે ઉભો થઇ ગયો છે.. મારી વિનંતી છે કે આપણે સમજણનો નવો સેતુબંધ બાંધવાનો પ્રયાસ કરીએ.

આ પણ વાંચોઃ 'વિરોધ કરે છે તે જ ભાજપ સાથે મળેલા' કોંગ્રેસે સસ્પેન્ડ કર્યા બાદ નિલેશ કુંભાણીએ વીડિયો જાહેર કર્યો

મહત્વપૂર્ણ છે કે પરષોત્તમ રુપાલા દ્વારા કરવામાં આવેલા એક નિવેદનને લઇને ક્ષત્રિય સમાજમાં વિરોધનો વંટોળ ઉઠ્યો હતો..આ મામલે રૂપાલા અગાઉ પણ બે વાર પોતાના નિવેદન પર માફી માંગી ચૂક્યા છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો