IPL 2024 / GT Vs PBKS: પંજાબ કિંગ્સને હરાવીને પણ ખુશ નથી શુભમન ગિલ, કહ્યું- ક્યાં કરી હતી ભૂલ?

ઇન્ડિયન પ્રીમિયર લીગમાં રવિવારે રમાયેલી દિવસની બીજી મેચમાં, ગુજરાત ટાઇટન્સ (GT) એ પંજાબ કિંગ્સ (PBKS) ને હરાવ્યું અને સિઝનની તેમની ચોથી જીત નોંધાવી. આ જીત બાદ હવે તે -1.055 સાથે પોઈન્ટ ટેબલમાં છઠ્ઠા સ્થાને છે. આ સિઝનમાં અત્યાર સુધી રમાયેલી 8 મેચોમાંથી ગુજરાતે 4માં જીત અને 4માં હારનો સામનો કરવો પડ્યો છે. આ જીત છતાં કેપ્ટન શુભમન ગિલ ટીમના પ્રદર્શનથી થોડો નારાજ દેખાયો. 

𝙒𝙖𝙦𝙩 𝙗𝙖𝙙𝙖𝙡 𝙙𝙞𝙮𝙖, 𝙧𝙚𝙨𝙪𝙡𝙩 𝙗𝙖𝙙𝙖𝙡 𝙙𝙞𝙮𝙖 💪#AavaDe | #GTKarshe | #TATAIPL2024 | #PBKSvGT pic.twitter.com/vYUXFN3oUg

— Gujarat Titans (@gujarat_titans) April 21, 2024

ગુજરાત ટાઇટન્સે આ મેચ 3 વિકેટે જીતી લીધી હતી. ટીમે છેલ્લી ઓવરમાં 7 વિકેટના નુકસાને 146 રન બનાવીને મેચ જીતી લીધી હતી. પ્રથમ દાવમાં ગુજરાત ટાઇટન્સના બોલરોએ શાનદાર બોલિંગ કરીને પંજાબ કિંગ્સને 142 રનમાં આઉટ કરી દીધી હતી. આ મેચમાં જીત બાદ જીટી કેપ્ટન બહુ ખુશ દેખાતા ન હતા. મેચ બાદ શુભમન ગિલે મોટું નિવેદન આપ્યું છે.

ગિલે કહ્યું કે, 'અમારે આ મેચ વહેલા ખતમ કરી દેવી જોઈતી હતી. પરંતુ તે બે પોઈન્ટ પણ મેળવવું સારું છે. ઓવર રેટ સિવાય બધું સારું રહ્યું છે. જ્યારે હું ત્યાં બેટિંગ કરું છું ત્યારે હું ફક્ત બેટ્સમેન તરીકે રમવા માંગુ છું, હું કેપ્ટનશિપ વિશે વધુ વિચારવા માંગતો નથી. લિવિંગસ્ટોન મને ઉશ્કેરવાનો પ્રયાસ કરી રહ્યો હતો, પરંતુ જે બોલ પર હું આઉટ થયો હતો તેના પર જો તેણે મને ઉશ્કેર્યો ન હોત તો પણ મેં તે જ શોટ રમ્યો હોત.'

𝐒𝐩𝐢𝐧 𝐟𝐨𝐫 𝐭𝐡𝐞 𝐰𝐢𝐧 😉#AavaDe | #GTKarshe | #TATAIPL2024 | #PBKSvGT pic.twitter.com/e2m7OaX8RT

— Gujarat Titans (@gujarat_titans) April 22, 2024

દેખીતી રીતે, ગિલનું ધ્યાન હવે ટીમના નેગેટિવ રન રેટ પર છે અને રવિવારે પંજાબ કિંગ્સને માત્ર 142 રનમાં આઉટ કર્યા પછી, એવી તક હતી કે તે 15-16 ઓવરમાં મેચ પૂરી કરીને પોતાનો રન રેટ વધારી શક્યો હોત પણ એવું થયું નહતું.' 

વધુ વાંચો: RCB પ્લેઓફમાંથી બહાર થઈ? હવે વિરાટ કોહલીની ટીમને બચાવશે માત્ર એક ચમત્કાર

જણાવી દઈએ કે પંજાબની તેના ઘર મુલ્લાનપુરમાં આ સતત ચોથી હાર છે. તે આ સિઝનમાં અહીં કુલ 5 મેચ રમી છે. તેણે અહીં રમાયેલી પ્રથમ મેચમાં દિલ્હી કેપિટલ્સને હરાવ્યું હતું અને તે પછી તે ઘરઆંગણે સતત 4 મેચ હારી છે. આ સિવાય તેણે ઘરથી દૂર ત્રણ મેચ રમી હતી જેમાંથી તેણે 2માં હાર અને 1માં જીત મેળવી હતી.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો