IPL 2024 / ચેન્નાઈ હરાવીને પણ લખનૌ ટોપ-4માં ન પહોંચી, જાણો પોઈન્ટ ટેબલની સ્થિતિ

IPLની 34મી મેચમાં પાંચ વખતની ચેમ્પિયન ચેન્નાઈ સુપર કિંગ્સ (CSK) એ લખનૌ સુપરજાયન્ટ્સનો સામનો કર્યો. બંને ટીમો વચ્ચેની આ મેચ લખનૌના અટલ બિહારી વાજપેયી એકાના સ્ટેડિયમમાં રમાઈ હતી. છેલ્લી બે મેચ હારી ચૂકેલી લખનૌની ટીમ ચેન્નાઈને હરાવીને જીતના પાટા પર પરત ફરી હતી, જ્યારે ચેન્નાઈની ટીમ જીતની હેટ્રિક નોંધાવી શકી નહોતી.

The Points table in this IPL 2024.

- The Peak of IPL Now. pic.twitter.com/pvdLQYmNSy

— CricketMAN2 (@ImTanujSingh) April 19, 2024

ચેન્નાઈએ પ્રથમ બેટિંગ કરતા રવિન્દ્ર જાડેજાના 57 રનની અણનમ ઈનિંગના આધારે 20 ઓવરમાં છ વિકેટે 176 રન બનાવ્યા હતા. જવાબમાં રાહુલ અને ડી કોકે પ્રથમ વિકેટ માટે 134 રનની ભાગીદારી કરી હતી, જેની મદદથી લખનૌએ એક ઓવર બાકી રહેતા બે વિકેટે 180 રન બનાવીને જીત મેળવી હતી.

લખનૌ સુપર જાયન્ટ્સની ટીમે શાનદાર પ્રદર્શન કરીને સિઝનની ચોથી સફળતા હાંસલ કરી છે. આ મેચમાં લખનૌની ટીમ 19 ઓવરમાં 8 વિકેટે મોટી જીત હાંસલ કરવામાં સફળ રહી હતી. ટીમના લક્ષ્યનો પીછો કરતી વખતે કેપ્ટન કેએલ રાહુલ શાનદાર ફોર્મમાં જોવા મળ્યો હતો. પોતાની ટીમની ઇનિંગ્સની શરૂઆત કરતા તેણે 53 બોલમાં 82 રનની ઇનિંગ રમી હતી અને આ દરમિયાન તેના બેટમાંથી 9 ચોગ્ગા અને 3 શાનદાર છગ્ગા આવ્યા હતા.

This result's got us flying tonight 😍 pic.twitter.com/SvvjRSthDb

— Lucknow Super Giants (@LucknowIPL) April 19, 2024

જો કે લખનૌની જીતની પોઈન્ટ ટેબલ પર કોઈ અસર થઈ ન હતી. CSKને હરાવવા છતાં LSG ટોપ-4માં પોતાનું સ્થાન બનાવી શકી નથી. ટીમ 8 પોઈન્ટ સાથે 5માં સ્થાને છે. હાર્યા બાદ પણ ઋતુરાજ ગાયકવાડની ચેન્નાઈ સુપર કિંગ્સ ત્રીજા સ્થાને યથાવત છે. IPL 2024 પોઈન્ટ ટેબલમાં, કોલકાતા નાઈટ રાઈડર્સ, ચેન્નાઈ સુપર કિંગ્સ, સનરાઈઝર્સ હૈદરાબાદ અને લખનૌ સુપર જાયન્ટ્સ દરેકના સમાન 8 પોઈન્ટ છે, પરંતુ વધુ સારા નેટ રન રેટને કારણે ટીમો અનુક્રમે બીજા, ત્રીજા, ચોથા અને પાંચમા સ્થાને છે. 

વધુ વાંચો: ધોનીનો મેજિકલ શૉટ: કરિયરમાં પહેલી વખત લગાવ્યો રિવર્સ હેલિકોપ્ટર છગ્ગો, જુઓ કરિશ્મો

IPL 2024 પોઈન્ટ ટેબલમાં રાજસ્થાન રોયલ્સનું શાસન છે, ટીમ 12 પોઈન્ટ સાથે પ્રથમ સ્થાને છે. આરઆર સિવાય હજુ સુધી કોઈ ટીમ બે આંકડા સુધી પહોંચી શકી નથી. પ્લેઓફ માટે ક્વોલિફાય થવા માટે તેણે ઓછામાં ઓછી બે વધુ મેચ જીતવી પડશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો