IPL 2023 / આજે ગુજરાત ટાઇટન્સ-દિલ્હી કેપિટલ્સ વચ્ચે જંગ છેડાશે, જુઓ કોણ કોના પર પડશે ભારે, સમજો આંકડામાં

• સાતમી મેચ દિલ્હી કેપિટલ્સ અને ગુજરાત ટાઇટન્સની વચ્ચે 
• હાર્દિક પંડ્યાની ટીમ બીજી મેચ જીતવાનો પ્રયાસ કરશે
• દિલ્હી કેપિટલ્સે રહેવું પડશે સાવધાન 

IPL 2023 ની સાતમી મેચ આજે એટલે કે 4 એપ્રિલ દિલ્હી કેપિટલ્સ અને ગુજરાત ટાઇટન્સની ટીમો વચ્ચે રમાશે. જણાવી દઈએ કે બંને ટીમો વચ્ચેની આ મેચ દિલ્હીના અરુણ જેટલી સ્ટેડિયમમાં રમાશે. લખનૌ સુપર જાયન્ટ્સ સામે પહેલી મેચ હાર્યા બાદ ડેવિડ વોર્નરની ટીમ આ મેચ જીતવાનો પ્રયાસ કરશે. તો તેની સામે ઓપનર મેચમાં ચેન્નાઈ સુપર કિંગ્સ સામે 5 વિકેટથી જીત નોંધાવનાર હાર્દિક પંડ્યાની ટીમ બીજી મેચ જીતવાનો પ્રયાસ કરશે. 

Our first away game of the season 💙 #TitansFAM, predict our best performer in comments 👇#AavaDe | #DCvGT | #TATAIPL 2023 pic.twitter.com/W8HDqlwbhT

— Gujarat Titans (@gujarat_titans) April 4, 2023

દિલ્હી કેપિટલ્સે રહેવું પડશે સાવધાન 
આપણે બધા જાણીએ છીએ એ ગુજરાત ટાઇટન્સની ટીમ ડિફેન્ડિંગ ચેમ્પિયન છે અને 31 માર્ચે રમાયેલી IPL 2023ની શરૂઆતની મેચમાં આ ટીમે ચેન્નાઈ સુપર કિંગ્સને પાંચ વિકેટથી હરાવ્યું હતું. નોંધનીય છે કે CSKની ટીમ આ મેચ 171 રન બનાવીને હારી ગઈ હતી. ચેન્નાઈ સામેની મેચમાં શુભમન ગિલ અને રાશિદ ખાને ઘણું સારું પ્રદર્શન કર્યું હતું. એ મેચમાં શુભમને બેટિંગમાં અડધી સદી ફટકારી હતી, તો રાશિદ ખાને બોલિંગમાં ધૂમ મચાવી હતી. ગુજરાત ટાઇટન્સની પહેલી જીત બાદ દિલ્હી કેપિટલ્સે સાવધાન રહેવું પડશે કારણ કે ગુજરાત સામે દિલ્હીની ટીમનો રેકોર્ડ સારો નથી. 

MATCH DAY AT #QILAKOTLA, LESSGO 🤩#YehHaiNayiDilli #IPL2023 #DCvGT @sports_gmr pic.twitter.com/gmmLeLHtyl

— Delhi Capitals (@DelhiCapitals) April 4, 2023

દિલ્હી કેપિટલ્સ અને ગુજરાત ટાઇટન્સની હેડ ટુ હેડ
હાર્દિક પંડ્યાની કપ્તાનીવાળી ગુજરાત ટાઇટન્સ ટીમનો IPLમાં બહુ જૂનો ઇતિહાસ નથી. ઇન્ડિયન પ્રીમિયર લીગ 2022માં ગુજરાત ટાઇટન્સે દસ્તક આપી હતી અને આ ટીમ પહેલા જ વર્ષમાં ઈન્ડિયન પ્રીમિયર લીગનું ટાઈટલ જીતવામાં સફળ રહી હતી . IPLના આંકડાઓ પર નજર કરીએ તો ગુજરાતની સામે દિલ્હીનો રેકોર્ડ સારો નથી. આઈપીએલમાં આ બંને ટીમો વચ્ચે માત્ર એક જ મેચ રમાઈ છે. IPL 2022માં રમાયેલી મેચમાં ગુજરાત ટાઇટન્સે દિલ્હી કેપિટલ્સને હરાવ્યું હતું.