સિડની ક્રિકેટ ગ્રાઉન્ડમાં ચાલુ મેચમાં એક યુવકે તેની ઓસ્ટ્રેલિયન ગર્લફ્રેન્ડને પ્રપોઝ કરીને પ્રેમનો એકરાર કર્યો હતો. આ દ્રશ્યો કેમેરામાં ઝીલાયા હતા.
સિડની ક્રિકેટ ગ્રાઉન્ડમાં ભારત ભલે હારી ગયું હોય પણ એક યુવક માટે આ જીવનની યાદગાર મેચ બની રહી. તેણે ચાલુ મેચમાં તેની ઓસ્ટ્રેલિયાની ગર્લફ્રેન્ડને પ્રપોસ કર્યું હતું.
આ વીડિયો કેમેરામાં આબાદ ઝીલાયો હતો. તે યુવતીએ હર્ષસભર યુવકને હા પાડી હતી. આ સાથે જ મેદાનમાં પણ તાળીઓનો ગડગડાટ થયો હતો. આ ક્ષણ એટલી સુંદર હતી કે ઓસ્ટ્રેલિયાના ગ્લેન મેક્સવેલે પણ તાળીઓ પાડીને બંનેને અભિનંદન આપ્યા હતા.
મેચની વાત કરવામાં આવે તો મેચમાં ભારત કાંઈ ઉકાળી શક્યું નહોતું અને ભારતનો 54 રને કારમો પરાજય થયો હતો. આ સાથે ભારતે શ્રેણી પણ ગુમાવી હતી.