આડઅસર! / રશિયા પર ધડાધડ લાગી રહેલા પ્રતિબંધને લઇને ભારતની આ ડીલ પર ચિંતા વધી, રશિયન રાજદૂતનું મોટું નિવેદન

• શું S-400 એર ડિફેન્સ સિસ્ટમની ડિલીવરીને થશે અસર?
• રશિયાના રાજદૂતનો સૌથી મોટો ખુલાસો
• રશિયા પર અનેક દેશોએ લગાવ્યાં છે પ્રતિબંધો

જાણો શું કહ્યું રશિયન રાજદ્વારીએ?

ભારતમાં રશિયાના રાજદૂત ડેનિસ અલીપોવ (Denis Alipov) એક ખાનગી ન્યુઝ ચેનલને નિવેદન આપતા જણાવ્યું કે, 'ભારતને S-400 એર ડિફેન્સ સિસ્ટમની સપ્લાય કરવામાં અમને કોઇ પણ જાતનો અવરોધ નથી દેખાતો. અમારી પાસે આ કરારને શરૂ રાખવા માટે તંત્ર છે.' તેઓએ વધુમાં જણાવ્યું કે, 'રશિયા હંમેશા રાખમાંથી ફરી બેઠું થયું છે અને તે ફરીથી ઊભું થઇ જશે. અમે સંપૂર્ણ રીતે સુરક્ષિત કરવા માટે મહત્વનાં નિર્ણય લીધા છે. અમારી અર્થવ્યવસ્થા દબાવમાંથી બહાર નીકળશે.'

રશિયા-ભારત વચ્ચે S-400 એર ડિફેન્સ સિસ્ટમ ડીલ

ભારતને રશિયા પાસેથી S-400 એર ડિફેન્સ સિસ્ટમની પહેલો કન્સાઈનમેન્ટ મળી ચૂકી છે, પરંતુ અન્ય ચારની ડિલિવર થવાની બાકી છે. રશિયા તરફથી હજુ સુધી ડિલિવરીમાં વિલંબના કોઈ જ સંકેત જોવા નથી મળ્યાં. પરંતુ જો યુક્રેન સાથે આ યુદ્ધ લાંબા સમય સુધી ચાલશે તો તે ચોક્કસપણે ચિંતાનો વિષય બની શકે છે. આ સિવાય, CAATSA કાયદા અંતર્ગત ખરીદી માટે અમેરિકાનો ભારત પર પ્રતિબંધ એક અલગ સંભાવના છે. અત્યાર સુધી અમેરિકાએ ચીન અને તુર્કી પર પ્રતિબંધો લગાવ્યા છે, પરંતુ ભારતની અવગણના કરવામાં આવી છે.

રશિયા-યુક્રેન સંકટથી ભારતને વધુ નુકસાન થવાની ધારણા છે

રશિયા-યુક્રેન સંકટના કારણે વૈશ્વિક બજાર જોખમમાં છે. વિશ્વભરના શેરબજારો ખરાબ રીતે રિકવરી કરી રહ્યાં છે. કેટલાંક દેશોના ચલણના મૂલ્યને પણ અસર થઈ છે. આ જિયોપોલિટિકલ ટેન્શનની ખરાબ અસર વૈશ્વિક બજાર પર જોવા મળી શકે છે. પ્રસિદ્ધ નાણાંકીય અને રિસર્ચ કંપની નોમુરા (Nomura) ના રિપોર્ટ અનુસાર, યુક્રેન સંકટના કારણે એશિયામાં સૌથી વધુ અસર ભારત પર પડી શકે છે. ક્રૂડ ઓઈલના આસમાને પહોંચેલી કિંમતોની અસર ભારતને સૌથી વધુ અસર કરી શકે છે.