ભારત અને દક્ષિણ આફ્રિકા વચ્ચે ત્રણ ટેસ્ટ મેચની શ્રેણીની બીજી મેચ આજે પૂણેના MCA મેદાનમાં રમાઇ રહી છે. ટીમ ઇન્ડિયાના સુકાની વિરાટ કોહલીએ ટોસ જીતીને પ્રથમ બેટિંગનો નિર્ણય લીધો છે. ભારતે અંતિમ ઇલેવનમાં એક ફેરફાર કરતાં હનુમાની જગ્યાએ ઉમેશ યાદવનો સમાવેશ કર્યો છે.
ભારત-આફ્રિકા વચ્ચે પૂણેમાં ટેસ્ટ
3 ટેસ્ટ મેચની શ્રેણીમાં ભારત 1-0થી આગળ
2nd Test. India XI: R Sharma, M Agarwal, C Pujara, V Kohli, A Rahane, W Saha, R Ashwin, R Jadeja, I Sharma, U Yadav, M Shami https://t.co/IMXND6IOWv#IndvSA@Paytm
વિશાખાપટ્ટન ખાતેની પ્રથમ ટેસ્ટમાં વિરાટ કોહલની ટીમે 203 રને જીત પ્રાપ્ત કરી હતી. હવે પૂણા ખાતેની મેચ જીતીને શ્રેણી પોતાના નામે કરવા વિરાટ કોહલી કોઇ ઉણપ રાખવા નથી માગતા. કોહલી આ મેચ જીતી શ્રેણી પોતાના નામ કરવા ઇચ્છે છે.
શ્રેણી જીતવાથી બનશે આ રેકોર્ડ
ભારતીય ટીમ ઘરેલુ મેદાન પર સતત 11 ટેસ્ટ શ્રેણી જીતવાની કગાર પર છે. ટીમ ઇન્ડિયા પોતાની ધરતી પર ફેબ્રુઆરી 2013થી સતત ટેસ્ટ શ્રેણી જીતી રહી છે. હાલમાં ભારત અને ઓસ્ટ્રેલિયા સતત 10-10 ટેસ્ટ ઘરેલુ મેદાન પર જીતીને બરાબરી પર છે. ઓસ્ટ્રેલિયા બે વખત નવેમ્બર 1994થી નવેમ્બર 2000 અને જૂલાઇ 2004થી નવેમ્બર 2008 સુધી પોતાની ધરતી પર સતત 10-10 ટેસ્ટ શ્રેણી જીતી છે.