કોરોના / કોરોનાથી બચવા જેવું ચીને એક વર્ષ પહેલાં કર્યુ હતું તેવું કરે ભારત : વિશ્વના ટોચના વૈજ્ઞાનિકની સલાહ

• અમેરિકાના સ્વાસ્થયનાં વિશેષજ્ઞ ડૉ. એન્થની ફાઉચીએ જણાવી આ વાત
• વેકસીનેશન પ્રક્રિયા ઝડપથી વધારો 
• ચીને જે રીતે હોસ્પિટલો બનાવી તે રીતે હોસ્પિટલો બનાવો 

અમેરિકાના સ્વાસ્થયનાં વિશેષજ્ઞ ડૉ. એન્થની ફાઉચીએ જણાવી આ વાત
અમેરિકાના સ્વાસ્થયનાં વિશેષજ્ઞ ડૉ. એન્થની ફાઉચીએ રવિવારે જણાવ્યું કે ભારતે કોરોનાની સંકટ ટાળવા માટે વેકસીનેશન થવું જરૂરી છે, અને આ જ કોરોના સાથેનું સમાધાન છે. તેમણે કહ્યું કે આ ઘાતક બીમારીથી બચવા માટે દેશ તથા વિદેશમાં પણ વેક્સિનનું ઉત્પાદન વધારવું જોઈએ. 

વેકસીનેશન પ્રક્રિયા ઝડપથી વધારો 
અમેરિકાના રાષ્ટ્રપતિ જૉ બાઈડનનાં પ્રમુખ સ્વાસ્થ્ય સલાહકાર ફાઉચીએ એબીસી ન્યૂઝને ઇન્ટરવ્યુમાં કહ્યું "આ મહામારીને ખતમ કરવા માટે વેકસીનેશન કરવું જોઈએ. ભારત દુનિયાનું સૌથી વધારે વેક્સિન બનાવતો દેશ છે. ભારત દેશને જરૂરી બધી જ સામગ્રીઓ આખી દુનિયામાંથી મળી રહી છે. અને બીજા દેશોએ પણ ભારતને રસી ઉત્પાદનમાં કે પછી પોતાના દેશની રસી પણ દાન કરવી જોઈએ.

 
ચીને જે રીતે હોસ્પિટલો બનાવી તે રીતે હોસ્પિટલો બનાવો
બીજા એક સવાલનાં જવાબમાં કહ્યું કે ભારતે હાલ ઝડપથી હોસ્પિટલો બનાવવાની જરૂર છે, જે રીતે ચીને બનાવી હતી તે રીતે. ભારતે આ કરવું જ પડશે, કારણકે હોસ્પિટલમાં જગ્યા નાં હોવાને કારણે તમે તે લોકોને ગલીઓમાં મરવા માટે ના મૂકી શકો. ઑક્સિજનની અછત થવી તે ઘણી દુખની વાત છે. ભારતની હોસ્પિટલોમાં બેડ, ઑક્સિજન, PPE કીટ, અને અન્ય બીજી સામગ્રીઓની જે અછત સર્જાઇ છે તે તાત્કાલિક ધોરણે પૂરી કરવી જોઈએ તેવું કાઉચીએ કહ્યું. વાયરસનું વધતું સંક્રમણ અટકાવવા માટે આંશિક લોકડાઉન રાખવાની પણ સલાહ આપી.