- પીએમ મોદીની મુલાકાતથી લક્ષદ્વીપ આવ્યું લાઈમલાઈટમાં
- કેન્દ્રશાસિત પ્રદેશ અને ટાપુ લક્ષદ્વીપ મોટી મોદી સરકારનો મોટો પ્લાન
- મિનિકોય ટાપુઓ પર બનશે નવું એરપોર્ટ, લડાકૂ વિમાન તૈનાત થશે
માલદીવ સાથેના સંઘર્ષ વચ્ચે કેન્દ્ર સરકારે લક્ષદ્વીપને લઈને મોટો પ્લાન બનાવ્યો છે. હવે મિનિકોય ટાપુઓ પર એક નવું એરફિલ્ડ વિકસાવવાની તૈયારીમાં છે. આ એરફિલ્ડ કોમર્શિયલ વિમાનોની સાથે લડાકુ વિમાનો અને સૈન્ય વિમાનોનું સંચાલન કરી શકશે. અગાઉ પણ મિનિકોય ટાપુઓમાં નવું એરફિલ્ડ વિકસાવવા સરકારને દરખાસ્તો મોકલવામાં આવી હતી. જો કે, સંયુક્ત-ઉપયોગ સંરક્ષણ એરફિલ્ડની આ યોજના પર તાજેતરના સમયમાં ખૂબ ભાર મૂકવામાં આવ્યો છે. સૈન્યની દ્રષ્ટિએ આ એરફિલ્ડ ભારતને મજબૂત ક્ષમતા પ્રદાન કરશે. તેનો ઉપયોગ અરબી સમુદ્ર અને હિંદ મહાસાગર ક્ષેત્ર પર નજર રાખવા માટે કરવામાં આવશે. આ સાથે જ પર્યટનને પણ મોટો વેગ મળવાનો છે.
સંરક્ષણ મંત્રાલય હેઠળ મિનિકોય ટાપુઓ પર હવાઈ પટ્ટી સૂચવનાર ભારતીય તટરક્ષક દળ પ્રથમ દળ હતું. તાજેતરના પ્રસ્તાવ અનુસાર, મિનિકોય તરફથી ચલાવવામાં ભારતીય વાયુસેનાને સારો એવો ફાયદો મળશે. મિનિકોય એરપોર્ટ સંરક્ષણ દળોને અરબી સમુદ્રમાં તેમની દેખરેખ વધારવામાં મદદ કરશે. વળી, મિનિકોયમાં એરપોર્ટ એરિયા હોવાને કારણે પર્યટનને પ્રોત્સાહન મળશે, જેના પર સરકાર દ્વારા આજકાલ ખૂબ જોર આપવામાં આવી રહ્યું છે.
લક્ષદ્વીપની મુલાકાતને લઈને ભારતીયોમાં ઉત્સાહ
લક્ષદ્વીપની મુલાકાતને લઈને આજકાલ ભારતીયોમાં ભારે ઉત્સાહ જોવા મળી રહ્યો છે. પ્રધાનમંત્રી મોદીએ લક્ષદ્વીપની મુલાકાતની કેટલીક તસવીરો શેર કરી હતી, જેને જોયા બાદ લોકોએ ત્યાં ફરવાની ઈચ્છા વધારી દીધી છે. આ માટે ઓનલાઇન સર્ચમાં જબરદસ્ત ઉછાળો આવ્યો છે. ટૂર એન્ડ ટ્રાવેલ સર્વિસ પ્રોવાઇડર મેકમાયટ્રીપે જણાવ્યું હતું કે, તેના પ્લેટફોર્મ પર સર્ચમાં 3,400 ટકાનો વધારો જોવા મળી રહ્યો છે. પ્રધાનમંત્રીની મુલાકાત પછી લક્ષદ્વીપની ઓન-પ્લેટફોર્મ શોધમાં 3400 ટકાનો વધારો જોવા મળ્યો છે.
