અર્થતંત્ર / ટોપ ગિયરમાં દોડી રહી છે ભારતની અર્થવ્યવસ્થા: બીજા ત્રિમાસિક ગાળામાં તમામ અનુમાન ફેલ, શાનદાર થયો GDP ગ્રોથ

• દેશની અર્થવ્યવસ્થા શાનદાર વૃદ્ધિ કરી રહી છે
• બીજા ક્વાર્ટરમાં ભારતનો જીડીપી વૃદ્ધિ દર 7.6 ટકા રહ્યો
• બીજા ક્વાર્ટરમાં 6.5 ટકા વૃદ્ધિ દરનો અંદાજ મૂક્યો હતો

india gdp growth: દેશની અર્થવ્યવસ્થાએ ચાલું નાણાકીય વર્ષ 2023-24ના બીજા ત્રિમાસિક ગાળામાં જુલાઈ-સપ્ટેમ્બર 2023માં શાનદાર વૃદ્ધિ દર્શાવી છે. બીજા ક્વાર્ટરમાં ભારતનો જીડીપી વૃદ્ધિ દર 7.6 ટકા રહ્યો છે. જ્યારે આ નાણાકીય વર્ષના પ્રથમ ક્વાર્ટરમાં ભારતનો જીડીપી ગ્રોથ 7.8 ટકા રહ્યો હતો. આપને જણાવી દઈએ કે, આરબીઆઈએ બીજા ક્વાર્ટરમાં 6.5 ટકા વૃદ્ધિ દરનો અંદાજ મૂક્યો હતો. જ્યારે કેટલાક નિષ્ણાતોનું માનવું હતું કે બીજા ક્વાર્ટર દરમિયાન ભારતનો જીડીપી 7 ટકાના દરે વૃદ્ધિ પામી શકે છે. પરંતુ જીડીપી ગ્રોથના આંકડા તમામ નિષ્ણાતોના અંદાજ કરતાં વધુ સારા આવ્યા છે.

છેલ્લા ક્વાર્ટરમાં ભારતનો જીડીપી ગ્રોથ કેવો રહ્યો? 
નોંધનીય છે કે ચાલુ નાણાકીય વર્ષ 2023-24ના પ્રથમ ક્વાર્ટર દરમિયાન ભારતનો જીડીપી ગ્રોથ 7.8 હતો, જે એક વર્ષમાં એટલે કે ચાર ક્વાર્ટર દરમિયાન સૌથી વધુ હતો. માર્ચ 2023 ક્વાર્ટર દરમિયાન જીડીપી વૃદ્ધિ 6.1 ટકા હતો. નાણાકીય વર્ષ 2023ના જૂન ક્વાર્ટર દરમિયાન નીચા રહ્યો હતો. જે જીડીપીનો વૃદ્ધિ દર 13.1 ટકા હતો.

કેટલો લક્ષ્યાંક
ભારતીય રિઝર્વ બેન્કએ નાણાકીય વર્ષ 2023-24 માટે 6.5 ટકા જીડીપીનો લક્ષ્યાંક રાખ્યો છે. જ્યારે કેન્દ્રીય બેંકનું માનવું છે કે જીડીપી બીજા ક્વાર્ટરમાં 6.5 ટકા રહેવાની ધારણા છે, જ્યારે ત્રીજા ક્વાર્ટરમાં તે 6 ટકા અને ચોથા ક્વાર્ટરમાં 5.7 ટકા રહેવાનો અંદાજ છે. જો કે, કેટલાક નિષ્ણાતોએ બીજા ક્વાર્ટર દરમિયાન 6.7 ટકા જીડીપી વૃદ્ધિનો અંદાજ મૂક્યો હતો