વડોદરા / CCTV: વરઘોડામાં વરરાજાની ગાડીએ 10થી વધુ જાનૈયાઓને અડફેટે લીધા, કંપારી છૂટી જાય તેવી ઘટનામાં 1નું મોત

• વાઘોડિયામાં લગ્ર પ્રસંગનાં વરઘોડામાં બની દુર્ઘટના
• વરરાજાની કારનાં ચાલકે સ્ટીયરીંગ પરનો કાબુ ગુમાવ્યો
• સારવાર દરમિયાન એક મહિલાનું નિપજ્યુ મોત 

વડોદરાનાં વાઘોડિયામાં મોડી રાત્રે લગ્ન પ્રસંગનાં વરઘોડામાં દુર્ઘટના બની હતી. જેમાં વરરાજા વરઘોડામાં કાર અકસ્માતની ઘટના બની હતી. વરઘોડામાં વરરાજાની ગાડીએ 10 થી વધુ જાનૈયાઓને અડફેટે લીધા હતા. વરરાજાની કારમાં ચાલક જાનૈયાઓને હડફેટે લેતા જાનૈયાઓમાં નાસભાગ મચી જવા પામી હતી. ત્યારે સમગ્ર અકસ્માતની ઘટનાના સીસીટીવી ફૂટેજ સામે આવ્યા છે.

 વરરાજાની કારના ચાલકે ગાડી પરનો કાબુ ગુમાવ્યો
હાલ લગ્નસરાની સીઝન ચાલી રહી છે. ત્યારે સૌ કોઈ લગ્નનો આનંદ માણી રહ્યા છે. ત્યારે ગત રોજ રાત્રીનાં સુમારે વડોદરાનાં વાઘોડિયા ખાતે વરરાજાની કારનાં ચાલકે વરઘોડામાં કાર પરનો કાબુ ગુમાવતા કારે જાનૈયાઓને હડફેટે લેતા જાનૈયાઓને ગંભીર ઈજાઓ પહોચતા તેઓને સારવાર અર્થે હોસ્પિટલ ખાતે ખસેડવામાં આવ્યા હતા. ત્યારે ઈજાગ્રસ્તોને સારવાર અર્થે હોસ્પિટલ ખાતે ખસેડાયા હતા. જ્યારે સારવાર દરમ્યાન એક મહિલાનું મોત નિપજ્યું હતું.

વડોદરા/ CCTV: વરઘોડામાં વરરાજાની ગાડીએ 10થી વધુ જાનૈયાઓને અડફેટે લીધા, કંપારી છૂટી જાય તેવી ઘટનામાં 1નું મોત#Vadodara #Accident #marrige #vtvgujarati pic.twitter.com/rvmxSuC2ix

— VTV Gujarati News and Beyond (@VtvGujarati) May 15, 2023

અમુક જાનૈયાઓને પગે ફેક્ચર જ્યારે એક મહિલાનું મોત નિપજ્યું
વરઘોડામાં વરરાજાની કારે જાનૈયાઓને હડફેટે લીધા હતા. જેમાં જાનૈયાઓને પગે ફેક્ચર થવા પામ્યું હતું. જ્યારે અમુક જાનૈયાઓને નાની મોટી ઈજાઓ થવા પામી હતી. જ્યારે એક મહિલાનું મોત નિપજતા લગ્ન પ્રસંગમાં શોક વ્યાપી જવા પામ્યો હતો.