બેઠક / 'મોતની સિરપ' સામે કાર્યવાહી: આ જિલ્લામાં હવે ડૉક્ટરના પ્રિસ્ક્રિપ્શન વગર નહીં મળે સિરપ, અમદાવાદમાં પણ પોલીસ કમિશનરે હાઇલેવલ મીટિંગ કરીને આપ્યા કડક આદેશ

• ખેડા સિરપ કાંડ બાદ અમદાવાદ પોલીસ એલર્ટ
• પોલીસ કમિશ્નર અને ઉચ્ચ અધિકારીઓ વચ્ચે યોજાઈ બેઠક
• ભાવનગરમાં પણ પોલીસે કેમીસ્ટ એસોશિયેશન સાથે યોજી  બેઠક

ખેડામાં સિરપ કાંડ બાદ 6 લોકોનાં મોત નિપજ્યા છે. જેને લઈ અમદાવાદ પોલીસ કમિશ્નર તેમજ ઉચ્ચ અધિકારીઓ વચ્ચે બેઠક યોજાઈ હતી. જે બાદ અમદાવાદ પોલીસ દ્વારા કફ સિરપ અને આર્યુવેદિક સિરપનાં વેચાણને લઈ સૂચના અપાઈ હતી. ગેરકાયદેસર ચાલતા નશાનાં વેપારને બંધ કરવા આદેશ અપાયા છે. અમદાવાદમાં આયુર્વેદિક સિરપને લઈ એક પણ ગુનો નોંધાયો નથી. કફ સિરપ બાદ આયુર્વેદિક સિરપનો નશા માટે ઉપયોગ વધ્યો છે. અમદાવાદ પોલીસ કમિશ્રનર જી.એસ.મલિકની અધ્યક્ષતામાં બેઠક મળી હતી. ક્રાઈન બ્રાન્ચ, એસઓજી અને દરેક ઝોનની DCP ની અધ્યક્ષતામાં મિટિંગમાં જોડાયા હતા. 

ડૉક્ટરના પ્રિસ્ક્રિપ્શન વગર નહીં મળે સિરપ
ખેડામાં સર્જાયેલ સિરપ કાંડમાં 6 લોકોનાં મોત બાદ સફાળે જાગેલી પોલીસ દ્વારા સમગ્ર રાજ્યમાં નશાનાં વેચાણ પર બ્રેક લગાવવા કમર સરી છે.  ત્યારે ભાવનગરમાં ડી.વાય.એસ.પી.નાં અધ્યક્ષ સ્થાને બેઠક યોજાઈ હતી. જેમાં ભાવનગરમાં હવે ર્ડાક્ટરનાં પ્રસ્કિપ્શન વગર સિરપ મળશે નહી. આયુર્વેદિક દવા વેચતા ડીલર તેમજ એસોસિએસન સાથે બેઠક કરી હતી. મેડિકલ એસોસિએશન તેમજ મેડિકલ સ્ટોરનાં સંચાલકોએ સૂચનો આપ્યા હતા. 

પોલીસ દ્વારા મેડીકલ સ્ટોર પર ચેકીંગ હાથ ધરાશેઃ આર.આર.સિંઘાલ (Dy.SP. ભાવનગર)
આ બાબતે ભાવનગર ડી.વાય.એસ.પી. આર.આર.સિંઘાલે જણાવ્યું હતું કે,  ભાવનગર શહેરમાં આર્યુવેદિક ટોનિકનાં નામે સ્ટોરમાંથી કાલમેઘાસવ તેમજ બીજા જે ટોનિક મળે છે. એ રોકવા માટે પોલીસ દ્વારા એક ટીમ બનાવવામાં આવી છે. જે આવી જે કંઈ પણ નશાકારક સિરપ વેચે છે. તેમને ત્યારે રેડ કરે છે.  જે અનુસંધાને આજે મેડીકલ એસોશિયેશન સાથે એક બેઠકનું આયોજન કરવામાં આવ્યું હતું.  મીટીંગમાં આગામી સમયમાં પોલીસ દ્વારા એક ડ્રાઈવનું આયોજન કર્યું છે. જેમાં  પોલીસ દ્વારા મેડીકલ સ્ટોર પર જઈ ચેકીંગ કરવામાં આવશે. અને જો તેમને ત્યાં આવી નશાકારક કોઈ પણ ચીજ વસ્તુ મળી આવશે તો તેમની સામે કાર્યવાહી કરવામાં આવશે.  તેમજ મેડીકલ એસોસિયેશન દ્વારા આવી કોઈ પણ નશાકારક સિરપ વેચવામાં નહી આવે તેવી ખાત્રી પણ આપવામાં આવી છે. 

વગર ડિસ્ક્રિપ્સન વગર સિરપ કોઈ પણ વેચશે નહીઃ ભીષ્મ વોરા (માલિક, મેડીકલ)
આ  બાબતે મેડિકલ સ્ટોરનાં માલિક ભીષ્મ વોરાએ જણાવ્યું હતું કે, ગત રોજ ગુજરાતનાં નડીયાદ ખાતે આર્યુવેદિકનાં નામે વેચાતિ સિરપનાં કારણે પાંચ લોકોનાં મૃત્યું નિપજ્યા છે. આ સંદર્ભે ભાવનગર જીલ્લા કેમિસ્ટ આગેવાનો તેમજ જુદા જુદા કેમિસ્ટોની એક અલગ અલગ મીટીંગ બોલાવી હતી. જેમાં પોલીસ દ્વારા આ જે સિરપનું વેચાણ અટકાવવા માટે શું કરવું તે માટે સુઝાવો માંગ્યા હતા. જે બાબતે અમે કેમિસ્ટ એસોસિયેશન દ્વારા ખાસ આશ્વત કર્યા હતા. જેમાં એલોપેથીક કોર્ડીન વાળી જે સિરપ છે. તે વગર ડિસ્ક્રિપ્સન વગર કોઈ પણ વેચશે નહી. તેમજ 11 ટકાથી વધારાનું આલ્કોહોલનુ્ં તેવી આર્યુવેદિક સિરપનો જથ્થો પણ અમારા કેમિસ્ટ  સ્ટોર પરથી તેમને મળશે નહી તેવી ખાત્રી આપી હતી.