- ઈમરાનખાનનાં લાહોરનાં ઘર પર પોલીસનો હુમલો
- તપાસ માટે ઘરની દીવાલો પર ચલાવ્યું બુલડોઝર
- સમર્થકો અને પોલીસ વચ્ચે અથડામણનો માહોલ
પાકિસ્તાનમાં ઈમરાન ખાનની ધરપકડને લઈને લાહોરથી ઈસ્લામાબાદ સુધી હુમલાઓ અને પ્રદર્શનો ચાલી રહ્યાં છે. શનિવારે ઈમરાનખાન કોર્ટમાં રજૂ થયાં હતાં. પાછળથી પોલીસે લાહોરનાં જમાન પાર્કવાળા ઘર પર પોલીસે હુમલો કર્યો. તેમના ઘરની તપાસ લીધી અને બુલડોઝરથી ઘરની દીવાલો તોડવામાં આવી. આ વચ્ચે પોલીસે અને PTIનાં કાર્યકર્તાઓ વચ્ચે અથડામણ પણ થઈ હતી. આ દરમિયાન પોલીસે આરોપ પણ લગાવ્યાં છએ કે તેમના ઘરેથી શંકાસ્પદ હથિયાર અને અન્ય કેટલીક સામગ્રીઓ જપ્ત કરવામાં આવી છે.
ઈમરાન ખાન શનિવારે સાંજે કોર્ટ પહોંચ્યાં જ્યાં સ્થિતિ ઘણી બગડી ગઈ હતી. તેથી તેમને માત્ર હાજરી નોંધાવા કહ્યું અને 30 માર્ચ સુધી સુનાવણી રદ કરવામાં આવી. કોર્ટે પોલીસને હાજરી બાદ પાછા જવાની પરવાનગી આપી દીધી. આ બાદ ઈમરાન લાહોર માટે રવાના થયાં.
પોલીસે ઘર પર બોલ્યો હુમલો
તોશાખાના મામલામાં ઈમરાનખાન પર પ્રધાનમંત્રીનાં પદ પર હોવા સમયે મળ્યાં કિંમતી ભેટોને વેંચવાનો આરોપ લગાવ્યો છે. આ મામલામાં તેમને કોર્ટમાં રજૂ થવાનું હતું. પરંતુ વારંવાર નોટિસ આપ્યાં છતાં તે હાજર થયાં નહીં જેથી તેમની સામે ગેરજામીન વોરન્ટ જાહેર કરવામાં આવ્યો. શનિવારે ઈમરાનનું જૂથ ઈસ્લામાબાદથી નિકળ્યું ત્યારે પોલીસે તેમના જમાન પાર્ક સ્થિત ઘર પર હુમલો બોલ્યો હતો.
30 માર્ચ સુધી સુનાવણી સ્થગિત
પોલીસે દાવો કર્યો છે કે ઈમરાનનાં ઘર પર જ્યારે તેઓ પહોંચ્યાં ત્યારે તેના પર છતથી ગોળીઓ ચલાવવામાં આવી. તો ઈમરાનની બહેન ડો. ઉઝમાએ કહ્યું કે પોલીસ વોરન્ટ દેખાડ્યા વિના ઘરની તપાસ કરવા લાગી હતી. PTIનાં વાઈસ ચેરમેન શાહ મહમૂદ કુરેશીએ દાવો કર્યો છે કે હાજરી સાથે સંકળાયેલ સમગ્ર પ્રક્રિયા પૂરી કર્યા બાદ ઈમરાન ખાનને પાછું લઈ જવાનો આદેશ આપવામાં આવ્યો છે. પોલીસ અધિકારીએ કોર્ટને સૂચન આપ્યું કે ઈમરાન ખાનનાં ઉપસ્થિત થયા સંબંધિત કાગળ ખોવાઈ ગયાં છે. જેના પર કોર્ટે તેને ફટકાર્યો હતો. જો કે મામલાને 30 માર્ચ સુધી સ્થગિત કરી દેવામાં આવ્યો છે.
ઘર પર ચાલ્યું બુલડોઝર
ઈસ્લામાબાદ પોલીસ 2 દિવસથી ઈમરાનખાનનાં ઘરની બહાર ઊભી હતી. જેવા ઈમરાન લાહોરથી ઈસ્લામાબાદ માટે નિકળ્યાં પોલીસે તેના ઘરમાં તોડફોડ ચાલુ કરી દીધી. બુલડોઝરની મદદથી ઈમરાન ખાનનાં ઘરની દીવાલો તોડવામાં આવી. પંજાબ પોલીસનાં સૈનિકોએ ઈમરાનનાં જમાન પાર્ક સ્થિત આવાસનાં એન્ટ્રી ગેટથી બેરિકેડ્સ હટાવીને અંદર ઘુસ્યાં. પોલીસને કથિત ધોરણે PTIનાં કાર્યકર્તાઓનો સામનો કરવો પડ્યો જેના લીધે લાડીચાર્જ પણ કરવો પડ્યો.
