ગુજરાત રાજ્ય આરોગ્ય કર્મચારી મહાસંઘની આજે ગાંધીનગર ખાતે બેઠક મળવાની છે. જેમાં આરોગ્ય કર્મચારી મહાસંઘનાં નવીન પ્રમુખની વરણીને લઈ બેઠક યોજાવાની છે. અત્રે ઉલ્લેખનીય છે કે, આરોગ્ય કર્મચારી સંઘનાં પૂર્વ પ્રમુખ પર ભ્રષ્ટ્રાચારનાં આરોપ લાગતા તેઓને પ્રમુખ પદથી દૂર કરાયા હતા.
રણજીતસિંહ મોરી પર ભ્રષ્ટાચારના આરોપ બાદ પ્રમુખ પદેથી દૂર કરાયા
આજે ગાંધીનગર ખાતે ગુજરાત રાજ્ય આરોગ્ય કર્મચારી મહાસંઘની બેઠક યોજાઈ રહી છે. આરોગ્ય કર્મચારી મહાસંઘનાં પ્રમુખને લઈ આજે બેઠક યોજાઈ રહી છે. જેમાં આરોગ્ય કર્મચારી મહાસંઘનાં જીલ્લાનાં પ્રમુખો તેમજ હોદ્દેદારો ઉપસ્થિત રહેશે. ત્યારે તાજેતરમાં જ આરોગ્ય કર્મચારી મહાસંઘનાં પ્રમુખ રણજીતસિંહ મોરી પર ભ્રષ્ટ્રાચારનાં આરોપ બાદ તેઓને પ્રમુખ પદેથી દૂર કરાયા હતા. તેમજ રણજીતસિંહ મોરી પર સોશિયલ મીડિયા પર ભ્રષ્ટ્રાચારનાં આરોપ બાદ વરણીને લઈ વિવાદ સર્જાયો હતો. આજે જીલ્લા પ્રમુખોની હાજરીમાં પ્રમુખની વરણીને લઈ ચૂંટણી યોજાશે.
રણજીતસિંહ મોરી સામે ભ્રષ્ટ્રાચારનાં શું આક્ષેપ થયા
આરોગ્ય કર્મચારી મહાસંઘનાં પૂર્વ પ્રમુખ રણજીતસિંહ મોરી સામે આરોગ્ય કર્મચારીઓને નકલી સર્ટીફીકેટ તેમજ નજીકનાં સ્થળે બદલી અને નોકરી આપવાનાં બહાને ભ્રષ્ટ્રાચાર આચર્યો હતો. તેમજ આરોગ્ય કર્મચારી મહાસંઘનાં કરોડો રૂપિયાની ઉચાપતનો પણ આક્ષેપ કરવામાં આવ્યો છે. તેમજ 500 જેટલા કર્મચારીઓ પાસેથી પૈસા ઉઘરાવવામાં આવ્યા હતા.અને કર્મચારીઓ દ્વારા પૈસા આપવા છતાં કામ પૂર્ણ ન થતા આરોગ્ય કર્મચારીઓ દ્વારા સોશિયલ મીડિયામાં પ્રમુખ રણજીતસિંહ મોરી પર આક્ષેપ કર્યા હતા. જે બાદ 5 સપ્ટેમ્બરનાં રોજ આરોગ્ય કર્મચારી મહાસંઘ દ્વારા ખાસ બેઠક બોલાવી હતી. જેમાં મહાસંઘનાં પ્રમુખ રણજીતસિંહ મોરીને પ્રમુખ પદેથી હટાવવાનો સર્વાનુમતે ઠરાવ કરાયો હતો.
