તમારા કામનું / SIPમાં રોકાણ કરી રહ્યા છો તો આ ખાસ બાબતોનું રાખજો ધ્યાન, ફાયદા સાથે મળશે મોટું રિટર્ન

• SIPમાં કરો છો રોકાણ તો આ વાતનુ રાખો વિશેષ ધ્યાન
• તો તમે સારું રિટર્ન પ્રાપ્ત કરી શકશો
• પગારદાર વર્ગની પહેલી પસંદ મોટાભાગે SIP જ હોય છે  

એસઆઈપીમાં રોકાણ કરો છો તો સારું રિટર્ન મળશે 

જો તમે એસઆઈપીમાં રોકાણ કરો છો તો તમે સારું રિટર્ન પ્રાપ્ત કરી શકો છો. કારણકે એસઆઈપી એટલેકે સિસ્ટમેટિક ઈન્વેસ્ટમેન્ટ પ્લાન, જે રોકાણકારોની પહેલી પસંદ રહે છે. ઘણા લોકો એકસામટુ રોકાણ કરવાનુ વધારે પસંદ કરે છે, પરંતુ પગારદાર વર્ગની પહેલી પસંદ મોટાભાગે સિસ્ટમેટિક ઈન્વેસ્ટમેન્ટ પ્લાન જ હોય છે.

વચ્ચે ક્યારેક એકસામટી રકમ પણ જમા કરવી જોઈએ

તમારે પોતાના રોકાણને મજબૂત કરવા માટે વચ્ચે એકસામટી રકમ પણ જમા કરવી જોઈએ. ઘણી વખત એવુ થાય છે કે તમારી પાસે એડિશનલ પૈસા આવે છે. જેમકે વાર્ષિક વ્યાજ અથવા કોઈ પોલિસી પાકતી વખતે મળતા પૈસા અથવા પછી ઘણા સમયથી કરવામાં આવેલી બચત. આ રકમને તમારે એસઆઈપીની સાથે એકસામટુ રોકાણ કરવુ જોઈએ. એટલેકે વધારાના યુનિટ ખરીદવા જોઈએ. આ તમે એવા સમયે કરી શકો છો જ્યારે માર્કેટ ભાંગી રહ્યો છે, તો એવામાં તકનો ફાયદો ઉઠાવીને મ્યુચ્યુઅલ ફંડ્સની અમુક યુનિટ્સ ખરીદી શકાય છે. 

સારા રિટર્ન માટે માર્કેટમાં વધુ સમય સુધી ટકવુ જરૂરી

એસઆઈપીને દરેક સ્થિતિમાં ચાલુ રાખવાનુ જરૂરી હોય છે, જ્યાં સુધી કે તમે પોતાનુ નાણાંકીય લક્ષ્ય પ્રાપ્ત ના કરી લો. ઘણા લોકો એવા હોય છે, જે અમુક સમય તો પોતાનુ રોકાણ ચાલુ રાખે છે, પરંતુ પછી રોકાણ અટકાવી દે છે. એવામાં તમારે પોતાનુ લક્ષ્ય પ્રાપ્ત કરવામાં મુશ્કેલીનો સામનો કરવો પડશે. સારા રિટર્ન માટે માર્કેટમાં વધુ સમય સુધી ટકવુ જરૂરી છે. તેથી પછી ગમે તેવી પરિસ્થિતિ કેમ ના હોય તમારે રોકાણ ચાલુ રાખવુ જ પડે. 

નાની બચત ક્યારેય પણ કરી શકો છો શરૂ 

મહત્વનું છે કે એવા ઘણા લોકો પણ હોય છે, જે ખૂબ મોડુ રોકાણની શરૂઆત કરે છે. ધારો કે તમારી ઉંમર 35 વર્ષ થઇ ગઇ છે, તેમ છતા તમે દર વર્ષે માત્ર 5 હજારનુ રોકાણ કરીને લગભગ એક કરોડ રિટર્ન પ્રાપ્ત કરી શકો છો. જેમાં જો તમને રેટ ઑફ રિટર્ન 12 ટકા મળશે. એવામાં 60 વર્ષની ઉંમરમાં તમને 95 લાખ રૂપિયાનુ રિટર્ન મળશે. જેમાં 15 લાખ તમારું કુલ રોકાણ હશે અને બાકી 80 લાખ રિટર્ન હશે.