ઇન્વેસ્ટમેન્ટ / Mutual Fundમાં રોકાણ કરવાનું વિચારતા હોય તો આટલું જાણી લેવું ખૂબ જરૂરી, ફાયદામાં રહેશો

જ્યારે પણ આમ ભારતીય દ્વારા રોકાણ કરવાનું વિચારવામાં આવે છે ત્યારે તેના મગજમાં પહેલો વિચાર ગોલ્ડ કે FDનો આવે છે. પરંતુ તેમાં રિટર્ન ઓછું મળે છે.  રોકાણના બીજા પણ એવા વિકલ્પ છે જેમાં ઇન્વેસ્ટ કરીને વધુ રિટર્ન મેળવી શકાય છે. જેમ કે, શેર માર્કેટ, બોન્ડ કે પછી ડેબ્ટમાં રોકાણ કરી શકાય છે.

પરંતુ આ પ્રકારના રોકાણ જોખમી હોય છે. જેમાં સાચી માહિતીના અભાવે રોકાણકારોને મોટાભાગે મોટું નુકસાન થઈ શકે છે. જો તમે સોના, રિયલ એસ્ટેટ, બેંક એફડી જેવા પરંપરાગત રોકાણ વિકલ્પોની જગ્યાએ શેર બજાર જેવા વિકલ્પોમાં રોકાણ કરવા માંગો છો અને તેના વિશે તમારી પાસે તેના વિશે પૂરતી માહિતી ન હોય તો તમે મ્યુચ્યુઅલ ફંડમાં રોકાણ કરી શકો છો. કેમ કે, મ્યુચ્યુઅલ ફંડ એ રોકાણનું એક એવું માધ્યમ છે જ્યાં તમારા ઈન્વેસ્ટનું સંચાલન અનુભવી એક્સપર્ટ્સ દ્વારા કરવામાં આવે છે. આ એક પ્રકારનું સામૂહિક રોકાણનુ માધ્યમ છે જ્યાં ઘણા બધા રોકાણકારો એકસાથે મળીને એક લક્ષ માટે પૈસાનું રોકાણ કરે છે અને આ રોકાણ નિષ્ણાત ફંડ મેનેજરો દ્વારા મેનેજ કરવામાં આવે છે. જેના લીધે તમારું રોકાણ ઓછું જોખમી બને છે.

મ્યુચ્યુઅલ ફંડ એક પ્રકારનું પૂલ્ડ ઈન્વેસ્ટ હોય છે. તેને ઘણા લોકો મળીને તેમના નાણાં ભેગા કરીને વિવિધ પ્રકારની સંપત્તિઓમાં રોકાણ કરે છે. આ રોકાણોમાંથી મળતું વળતર ઈન્વેસ્ટર્સમાં તેમની રકમના હીસાબે વહેચી દેવામાં આવે છે.  મ્યુચ્યુઅલ ફંડમાં તમારું ઇન્વેસ્ટ ફંડ મેનેજરની દેખરેખ હેઠળ હોય છે.

વધુ વાંચો : રોકાણકારો રૂપિયે રમશે! એક્સપર્ટે કહ્યું 200 ટકાના રિટર્નવાળો આ શેર ખરીદી લો, 700 જશે ભાવ

• મ્યુચ્યુઅલ ફંડમાં કેટલું જોખમ?
  મ્યુચ્યુઅલ ફંડ મારફતે તમારા પૈસા શેર બજાર, લોન, બોન્ડ વગેરે જગ્યાએ રોકાણ કરવામાં આવે છે. રોકાણના દરેક વિકલ્પમાં જોખમ પણ અલગ છે. મ્યુચ્યુઅલ ફંડમાં રોકાણ કરીને જોખમ લેવામાં આવે તો તે સંભવિત વળતર સાથે સીધું સંકળાયેલું છે. મ્યુચ્યુઅલ ફંડ્સ, ઇક્વિટી-આધારિત ફંડ ઉચ્ચ સંભવિત વળતર આપે છે પરંતુ ડેબ્ટ ફંડ્સ કરતાં વધુ જોખમ પણ હોય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ