ગુજરાત / જેતપર ખેડૂત આંદોલનઃ વળતર સહિત ખેડૂતોની છે 6 માંગ, પ્રાંત અધિકારીને લેખિતમાં રજુઆત કરાઈ

મોરબી જિલ્લાના જેતપર ગામમાં જગતના તાત ખેડૂતોનું આંદોલન હવે વધુ તેજ બનતું જોવા મળી રહ્યું છે. ગામના ખેડૂતો પોતાના ખેતરોમાં પસાર થનારી વીજ લાઈનનો સતત વિરોધ કરી રહ્યા છે અને આ મુદ્દે તંત્ર સમક્ષ પોતાની માંગણીઓ પણ રજૂ કરી રહ્યા છે. ખેડૂતોનું કહેવું છે કે વીજ લાઈનના કારણે ખેતીને નુકસાન થવાની શક્યતા છે તેમજ તેમની જમીનના ઉપયોગ પર પણ અસર પડી શકે છે. તેથી ખેડૂતો દ્વારા કાયદા મુજબ યોગ્ય વળતર અને પાક નુકસાનીના વળતરની માંગ ઉઠાવવામાં આવી રહી છે.

છેલ્લા કેટલાક સમયથી આ મુદ્દે એકજૂથ

જેતપર ગામના ખેડૂતો છેલ્લા કેટલાક સમયથી આ મુદ્દે એકજૂથ થઈને વિરોધ નોંધાવી રહ્યા છે. ખેડૂતોનું માનવું છે કે તેમની જમીનમાંથી વીજ લાઈન પસાર કરવામાં આવે તે પહેલાં તેમની તમામ ચિંતાઓ અને પ્રશ્નોનો યોગ્ય ઉકેલ લાવવામાં આવવો જોઈએ. આ સાથે તેઓને થતા નુકસાનનું યોગ્ય મૂલ્યાંકન કરીને વળતર પણ ચૂકવવું જોઈએ.

ખેડૂતો દ્વારા પ્રાંત અધિકારીને લેખિત રજૂઆત

આ સમગ્ર મામલે ખેડૂતો દ્વારા પ્રાંત અધિકારીને લેખિત રજૂઆત કરવામાં આવી હતી. રજૂઆતમાં વિવિધ માંગણીઓનો સમાવેશ કરવામાં આવ્યો હતો. ખેડૂતોનું કહેવું છે કે તેમની જમીન અને પાકને થનારા નુકસાનની સંપૂર્ણ ભરપાઈ કરવામાં આવે તેમજ કાયદા મુજબ જે પણ વળતર મળવાપાત્ર હોય તે આપવામાં આવે. ખેડૂતોનું માનવું છે કે વિકાસના કામો સાથે ખેડૂતોના હિતોનું પણ રક્ષણ થવું જોઈએ.

ખાસ કરીને પાક નુકસાનીના વળતરની માંગ

ખેડૂતો દ્વારા કરવામાં આવેલી લેખિત રજૂઆતમાં ખાસ કરીને પાક નુકસાનીના વળતરની માંગ પર ભાર મૂકવામાં આવ્યો છે. ખેડૂતોનું કહેવું છે કે વીજ લાઈનના કામ દરમિયાન અથવા ત્યારબાદ જો ખેતીને કોઈપણ પ્રકારનું નુકસાન થાય તો તેની સંપૂર્ણ જવાબદારી સંબંધિત વિભાગે લેવી જોઈએ. ઉપરાંત જમીનના ઉપયોગમાં થનારી મર્યાદાઓને ધ્યાનમાં રાખીને પણ વળતર નક્કી કરવામાં આવવું જોઈએ. ખેડૂતોનું વધુમાં કહેવું છે કે ઉર્જા વિભાગે ખેડૂતોના હિતોને ધ્યાનમાં રાખીને નવી પરિપત્ર અથવા નીતિ બનાવવી જોઈએ. જેથી ભવિષ્યમાં આવા પ્રશ્નો ઊભા થાય ત્યારે ખેડૂતોને મુશ્કેલીનો સામનો ન કરવો પડે. ખેડૂતોને આશા છે કે સરકાર અને ઉર્જા વિભાગ તેમની રજૂઆતને ગંભીરતાથી લેશે અને ખેડૂતોના હિતમાં યોગ્ય નિર્ણય કરશે.

આ પણ વાંચો : હાર્દિક પટેલ અને અલ્પેશ કથિરીયા સહિતના પાટીદાર આગેવાનોને મળી રાહત, 8 વર્ષ જૂનો કેસ સરકારે પરત ખેંચ્યો

આ મુદ્દે ખેડૂતોમાં એકતા જોવા મળી

હાલ જેતપર ગામમાં આ મુદ્દે ખેડૂતોમાં એકતા જોવા મળી રહી છે અને તેઓ પોતાની માંગણીઓ અંગે અડગ છે. ખેડૂતોનું કહેવું છે કે જ્યાં સુધી તેમની માંગણીઓ પર યોગ્ય નિર્ણય લેવામાં નહીં આવે ત્યાં સુધી તેઓ લોકશાહી ઢબે પોતાનો વિરોધ ચાલુ રાખશે. આંદોલન વધુ તેજ બનતા હવે તંત્ર અને ઉર્જા વિભાગના આગામી પગલાં પર સૌની નજર છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ