સફાઈ ટિપ્સ / ફોનની ગંદી સ્ક્રીનને કઈ રીતે ચકાચક કરવી? આ ટિપ્સ અપનાવો, ફોન નવા જેવો લાગશે

ભારતમાં ફોન મોટેભાગે દરેક વ્યક્તિ જોડે હશે. ફોન એક પરિવાર માટે જરૂરીયાત બની ગઇ છે. ફોન આજે સૌથી વધુ ઉપયોગમાં લેવાતું ગેજેટ બની ગયું છે. પરંતુ આટલા ઉપયોગને કારણે ઘણી વખત ફોનની સ્ક્રીન ગંદી અને ઝાંખી થઈ જાય છે. આવી સ્થિતિમાં ફોનની સ્ક્રીન સાફ કરવી ખૂબ જ જરૂરી બની જાય છે. તમે ઘરે બેસીને પણ સરળતાથી તમારા ફોનની સ્ક્રીનને સ્વચ્છ અને ચમકદાર બનાવી શકો છો. ફોનની સ્ક્રીન સાફ કરતાં પહેલાં કેટલીક બાબતોનું ધ્યાન રાખવું ખૂબ જ જરૂરી છે. સ્ક્રીનને સાફ કરવાની સાચી રીત હોવી જોઈએ.

કાપડથી સ્કીન સાફ કરો

આપણે ફોનને વારંવાર સ્કીનને નીચે અને ઉપર સાફ કરવાની ટેવ હોય છે. સૌપ્રથમ તો એ વાતનું ધ્યાન રાખો કે સ્ક્રીનને ઉપરથી નીચે કે નીચેથી ઉપર સુધી ઘસશો નહીં. આમ કરવાથી ફોનમાં પાણી પ્રવેશી શકે છે જે ફોનને નુકસાન પહોંચાડી શકે છે. તેના બદલે કાપડ અથવા ટીશ્યુને ગોળાકાર ગતિમાં ખસેડીને સ્ક્રીનને સાફ કરો.  સ્ક્રીન પર વધુ પડતું દબાણ ન કરો. ક્યારેક ખૂબ સખત ઘસવાથી સ્ક્રીનને ખંજવાળ અથવા નુકસાન થઈ શકે છે. સ્ક્રીનને હળવેથી સાફ કરો.

સફાઈ પ્રવાહીનો ઉપયોગ કરો

આજકાલ ફોનની સ્ક્રીન સાફ કરવા માટે ઘણા પ્રકારના ક્લિનિંગ લિક્વિડ માર્કેટમાં ઉપલબ્ધ છે. આ સફાઈ પ્રવાહીનો ઉપયોગ કરીને તમે સરળતાથી તમારા ફોનની સ્ક્રીનને સ્વચ્છ અને ચમકદાર બનાવી શકો છો. સફાઈ પ્રવાહીમાં વિશિષ્ટ રસાયણો હોય છે જે સ્ક્રીનમાંથી ગંદકી, તેલ અને ફિંગરપ્રિન્ટ્સને સરળતાથી દૂર કરે છે. તેનો ઉપયોગ કરવો પણ ખૂબ જ સરળ છે. ફક્ત પ્રવાહીના થોડા ટીપાં કાઢીને સ્ક્રીન પર લગાવો અને તેને કપડાથી સાફ કરો.

વેટ વાઇપ્સ અને ટીશ્યુ પેપર

વેટ વાઇપ્સમાં પાણી ભળેલું હોય છે જે તેને ભેજયુક્ત રાખે છે. તેને સ્ક્રીન પર ઘસવાથી તમે સરળતાથી ગંદકી અને ફોલ્લીઓ દૂર કરી શકો છો. ટિશ્યુ પેપરને પાણીથી ભીની કરીને પણ વાપરી શકાય છે. આને સ્ક્રીનને ઘસીને પણ સાફ કરી શકાય છે. ભીના વાઇપ્સ અથવા ટિશ્યુનો ઉપયોગ કરવાથી સ્ક્રીનને કોઇ ખરોચ નથી આવતી અને નુકસાન પણ કોઇ નહી થાય.

વધુ વાંચોઃ સ્માર્ટફોનમાં 5G નેટવર્ક બરાબર નથી આવતું? સારી કનેક્ટિવિટી માટે કરો આ કામ

ટૂથપેસ્ટથી સ્ક્રીન સાફ કરો

ટૂથપેસ્ટમાં રહેલ માઇલ્ડ એબ્રેસિવ્સ સ્કીન પર એકઠી થયેલી ગંદકી, તેલ અને મેલ સાફ કરવામાં મદદ કરે છે. સ્ક્રીન પર થોડી માત્રામાં ટૂથપેસ્ટ લગાવો અને તેને નરમ કપડાથી લૂછી લો. ટૂથપેસ્ટ લગાવતા પહેલા તમારા હાથ ધોવાનું ભૂલશો નહીં જેથી સ્ક્રીન પર વધુ ગંદકી ન થાય અને સ્કીન સારી રીતે સફાઇ કરી શકાય.

(Disclaimer: આ લેખમાં દર્શાવેલ પદ્ધતિઓ અને સૂચનો લાગુ કરતાં પહેલાં કૃપા કરીને સંબંધિત નિષ્ણાતની સલાહ લો.)

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો