આરોગ્ય ટિપ્સ / વારંવાર થતી શરદી-ઉધરસથી છો પરેશાન? તો આજથી જ ડાયટમાં સામેલ કરો ઇમ્યુનિટી વધારનારા ફૂડ્સ

• આમળાને સુપરફૂડ તરીકે ઓળખવામાં આવે છે.
• દરરોજ તમારા ભોજનમાં હળદર, જીરું, ધાણા, કાળા મરી વગેરે જેવા મસાલાઓનો ઉપયોગ કરવો જોઈએ
• ઇમ્યુન સિસ્ટમવધારવા માટે તમે બદામ, કાજુ, પિસ્તા, અખરોટ ખાઈ શકો છો

Immunity Boosting Foods: બદલાતી સિઝનમાં સ્વાસ્થ્યનું ધ્યાન રાખવું ખૂબ જ જરૂરી છે. ઇમ્યુન સિસ્ટમ શરીરને રોગોથી બચાવવામાં મહત્વપૂર્ણ ભૂમિકા ભજવે છે. નબળી ઇમ્યુન સિસ્ટમ ધરાવતા લોકો ઘણીવાર બીમાર પડે છે. શરદી, પેટમાં દુખાવો, સુસ્તી વગેરે જેવી સમસ્યાઓ હંમેશા રહે છે અને ચેપી રોગોનું જોખમ પણ વધારે રહે છે. આવી સ્થિતિમાં, રોગોથી બચવા માટે ઇમ્યુન સિસ્ટમનું ધ્યાન રાખવું ખૂબ જ મહત્વપૂર્ણ છે. તમે તમારી ડાયટમાં કેટલીક વસ્તુઓનો સમાવેશ કરીને ઇમ્યુન સિસ્ટમને વધારી શકો છો. આવો જાણીએ કયા ખાદ્ય પદાર્થો ઇમ્યુન સિસ્ટમ વધારે છે.

આંમળા
આમળાને સુપરફૂડ તરીકે ઓળખવામાં આવે છે. તેમાં એન્ટીઓક્સીડેન્ટ અને એન્ટી વાયરલ ગુણો છે. તે વિટામિન સીનો સમૃદ્ધ સ્ત્રોત છે, જે ઇમ્યુન સિસ્ટમને મજબૂત બનાવે છે, તેથી તમે મોસમી રોગોથી બચી શકો છો. આમળાનો ઉપયોગ તમે ખાવામાં ઘણી રીતે કરી શકો છો. તેને જ્યુસ, મુરબ્બો, ચટણી વગેરે સ્વરૂપે ખાઈ શકાય છે.

મસાલા
રસોડામાં રહેલા મસાલા ખાવાનો સ્વાદ તો વધારતા જ નથી પણ અનેક બીમારીઓથી પણ બચાવે છે. આમાં એન્ટિ-સેપ્ટિક, એન્ટિ-વાયરલ, એન્ટિ-ઇન્ફ્લેમેટરી અને એન્ટિઓક્સિડન્ટ ગુણો જોવા મળે છે. જેના કારણે ઇમ્યુન સિસ્ટમમ જબૂત થાય છે. તમારે દરરોજ તમારા ભોજનમાં હળદર, જીરું, ધાણા, કાળા મરી વગેરે જેવા મસાલાઓનો ઉપયોગ કરવો જોઈએ. આ મસાલાનું સેવન કરવાથી તમે અનેક પ્રકારની બીમારીઓથી સુરક્ષિત રહેશો.

લીંબુ
તમને દરેકના રસોડામાં સરળતાથી લીંબુ મળી શકે છે. તેના ઉપયોગથી ભોજનનો સ્વાદ વધે છે. તે સ્વાસ્થ્ય માટે પણ ખૂબ જ ફાયદાકારક માનવામાં આવે છે. એન્ટીઑકિસડન્ટ ગુણોથી ભરપૂર લીંબુ શરીરમાંથી ઝેરી તત્વોને દૂર કરે છે, આ રીતે તમને ઘણી બીમારીઓથી બચવામાં મદદ મળે છે. તમે કઠોળ, શાકભાજી અને સલાડમાં લીંબુનો રસ મિક્સ કરીને તેને તમારા આહારમાં સામેલ કરી શકો છો. તેમાં વિટામિન સીનું પ્રમાણ વધુ હોય છે, જે ઇમ્યુન સિસ્ટમને મજબૂત કરવામાં અસરકારક છે.

નટ્સ 
નટ્સ સ્વાસ્થ્ય માટે ખૂબ જ ફાયદાકારક છે. તમે આને તમારા ડેલી ડાયટમાં સામેલ કરી શકો છો. ઇમ્યુન સિસ્ટમવધારવા માટે તમે બદામ, કાજુ, પિસ્તા, અખરોટ ખાઈ શકો છો. તમે તેને નાસ્તા તરીકે ખાઈ શકો છો અથવા તેને સ્મૂધીમાં ઉમેરી શકો છો.

ગ્રીન ટી
ગ્રીન ટીમાં એન્ટીઓક્સીડેન્ટ ગુણ હોય છે. જે તમને ઘણા ફાયદા આપે છે. ગ્રીન ટી પાણી ઇમ્યુન સિસ્ટમને મજબૂત બનાવે છે. તેમાં એપિગેલોકૈટેચિન ગૈલેટ હોય છે, જે રોગ ઘટાડનાર એન્ટીઑકિસડન્ટ તરીકે ઓળખાય છે.

છાશ
પોષક તત્વોથી ભરપૂર છાશ પીવાથી ઇમ્યુન સિસ્ટમમજબૂત બને છે. જેના કારણે વાયરલ ઈન્ફેક્શનથી બચી શકાય છે. આ સિવાય છાશ પાચનક્રિયાને સ્વસ્થ રાખે છે. છાશને સ્વાદિષ્ટ બનાવવા માટે, તમે તેમાં કાળા મરી, સિંધવ મીઠું અથવા અન્ય મસાલા પણ મિક્સ કરી શકો છો.

Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.