એવા ભારતીય નાગરિક જે 18 વર્ષની ઉંમર પૂરી કરી ચૂક્યા છે, તેઓ રેશન કાર્ડ માટે અરજી કરી શકે છે. 18થી નાની ઉંમરના બાળકોનુ નામ માતા-પિતાના રેશન કાર્ડમાં હોય છે. જેને બનાવવા માટે આઈડી પ્રુફ તરીકે આધાર કાર્ડ, વોટર આઈડી અથવા સરકાર દ્વારા જાહેર કરવામાં આવેલા કોઈ પણ ઓળખ પત્રની જરૂર પડે છે.
ઘર બેઠા ફટાફટ બનાવો રેશન કાર્ડ
મફત રાશન અપાવવા માટે સૌથી જરૂરી દસ્તાવેજ
હવે તમે ઑનલાઈન અરજી કરી શકો છો
રેશન કાર્ડ ગરીબો માટે જરૂરી દસ્તાવેજ
રેશન કાર્ડ જ્યાં એકબાજુ તમારી ઓળખનો એક મહત્વપૂર્ણ દસ્તાવેજ છે, તો બીજી તરફ વધતી મોંઘવારીમાં ગરીબોને મફત રાશન અપાવવા માટે સૌથી જરૂરી દસ્તાવેજ પણ હોય છે. સરકાર દ્વારા દેશમાં ચલાવવામાં આવી રહેલી મફત રાશન યોજનાઓનો લાભ લેવા માટે તેની જરૂર પડે છે. જો તમારી પાસે અત્યાર સુધી રેશન કાર્ડ નથી તો આ અહેવાલ તમારા માટે છે. હવે તમે ઘર બેઠા મિનિટોમાં તેના માટે ઑનલાઈન અરજી કરી શકો છો.
ઑનલાઈન અરજીની સુવિધા
રેશન કાર્ડ હવે વધુ સરળ થઇ ગયુ છે. જ્યાં પહેલા તેના માટે ઓફિસના ચક્કર કાપવા પડતા હતા ત્યાં હવે આ જરૂરી કામ ઘર બેઠા ચપટી વગાડતા જ થઇ જાય છે. ખૂબ સરળ રીતે ઑનલાઈન રેશન કાર્ડ માટે અરજી કરી શકો છો અને તમારા કાર્ડની સ્થિતિને ટ્રેક પણ કરી શકો છો. તમે પોતાના રાજ્યના ખાદ્ય, પુરવઠા અને ગ્રાહક વિભાગની સત્તાવાર વેબસાઈટ કેજ દ્વારા તેના માટે અરજી કરી શકો છો.
4 સ્ટેપમાં કરો ઑનલાઈન અરજી
જો તમે ઉત્તર પ્રદેશના રહેવાસી છો, તો https://fcs.up.gov.in/FoodPortal.aspx વેબસાઈટ પર જાઓ.
હોમપેજ પર લોગઈન કરો અને એનએફએસએ 2013 અરજી પર ક્લિક કરો. ત્યારબાદ તમને આપવામાં આવેલી બધી જાણકારીઓ ભરવી પડશે.
પોતાના દસ્તાવેજ આધાર કાર્ડ, આવાસ પ્રમાણપત્ર, આવક પ્રમાણપત્ર, પાસપોર્ટ સાઈજ ફોટો અને બેંક ખાતાની જાણકારી ભરવી પડશે.
હવે ઑનલાઈન રેશન કાર્ડ Fee ભરીને સબમીટ ઑપ્શન પર ક્લિક કરો. બસ અરજી માટે તમારે આટલુ જ કામ કરવુ પડશે.