જાણવા જેવું / દિવસમાં મોબાઇલને ક્યારે-ક્યારે ચાર્જ કરવો? કોઇ 30 તો કોઇ કરે છે 50% એ, અડધાથી પણ વધુ લોકોને નથી તેની સાચી જાણકારી

• વારંવાર ફોનને ચાર્જ ના કરો
• બેટરીનું લેવલ 80% અને 100% ની વચ્ચે હોય ત્યારે જ ફોનને ચાર્જરમાંથી અનપ્લગ કરો
• ફોનને ચાર્જિંગ માટે 20-80ના નિયમને ફોલો કરો

Phone Charging Rule:જો ફોનની બેટરી ઝડપથી ડ્રેન થવા લાગે તો તે ખૂબ જ હેરાન થવાય છે. બેટરી ડેડ થવાનો અર્થ એ છે કે સારા ફોનનું જંક બની જવું, એટલે કે આપણે બધાએ નોટિસ કર્યુ હશે કે આપણે નવા સ્માર્ટફોનની ખૂબ જ પ્રેમથી કાળજી લઈએ છીએ. પરંતુ જ્યાં ફોન થોડો જૂનો થવા લાગે છે ત્યાં આપણે તેના પ્રત્યે અનેક પ્રકારની બેદરકારી રાખીએ છીએ.

વાત ચાર્જિંગની આવે ત્યારે આપણે બધા આપણી આસપાસ જોઈએ છીએ કે કેટલાક લોકો એવા છે કે જ્યારે પણ તેમનો ફોન થોડો ડિસ્ચાર્જ થાય, ત્યારે તેઓ તેને ચાર્જિંગ પર મૂકી દે છે. આ સાથે, ઘણા લોકો એવા છે કે જેઓ ફોનને ચાર્જિંગ પર મૂક્યા પછી તરત જ ફરીથી ચાર્જિંગમાંથી કાઢી લે છે, અને આવુ ચાલુને ચાલુ જ રહે છે.

પરંતુ શું તમે જાણો છો કે લોકોની આ આદતોના કારણે ફોન ખરાબ થવા લાગે છે. ફોનને ચાર્જિંગ પર મૂકવાની એક યોગ્ય રીત છે. જો તમે ફોનને વારંવાર ચાર્જ પર લગાવતા રહેશો તો સમય જતાં ફોનની બેટરી બગડશે. એટલા માટે આવો જાણીએ કે ફોનને દિવસમાં કેટલી વાર ચાર્જ કરવો જોઈએ.

બેટરીને 20% કે તેથી વધુ નીચે ના રાખશો અને બેટરીને સંપૂર્ણપણે ડિસ્ચાર્જ ના થવા દેવી જોઇએ, જ્યારે બેટરીનું લેવલ 80% (અથવા ઓછું) અને 100% ની વચ્ચે હોય ત્યારે જ ફોનને ચાર્જરમાંથી અનપ્લગ કરો. લાંબા સમય સુધી તમારા ફોનને 100% લેવલ પર ન રાખો, એટલે કે તેને સંપૂર્ણ ચાર્જ કર્યા પછી તેને ચાર્જરમાંથી હટાવી લો.

મોટાભાગના લોકો 20-80 નિયમને અપનાવવાની સલાહ આપે છે, જે તમે નિયમિત રીતે પાલન કરી શકો છો. જો તમે નથી જાણતા કે 20-80 નો નિયમ શું છે, તો જાણીલો કે 20 નો અર્થ છે કે જ્યારે બેટરી 20% સુધી ડ્રેઇન થાય છે, ત્યારે તેને ચાર્જિંગ પર લગાવી જોઈએ, અને 80 નો અર્થ છે કે જ્યારે 80% ચાર્જિંગ થઈ જાય ત્યારે તેને ચાર્જિંગમાંથી કાઢી લેવી જોઇએ. એટલે કે, જો તમારો ફોન દિવસમાં બે વાર 20% સુધી પહોંચે છે, તો તમારે તેને બે વાર ચાર્જિંગ પર મૂકવો પડશે, તેનાથી વધુ નહીં.

તમે જોયું હશે કે જ્યારે તમારા ફોનની બેટરી 20% હોય છે, ત્યારે જ ફોન પર 'Low Battery'નો એલર્ટ આવે છે. એનો અર્થ છે કે  પહેલા ફોનને આરામથી ઓપરેટ કરી શકાશે. આ સિવાય તમે 45-75ના નિયમને પણ ફોલો કરી શકો છો.