- ખેડૂતોને દિવસે વીજળીનું વચન!
- એક વર્ષમાં મળતી થશે દિવસે વીજળી
- કિસાન સૂર્યોદય યોજનાની અમલવારી ઝડપી બનશે?
ગુજરાતના ખેડૂતો માટે અગત્યના મુદ્દાની ફરી ચર્ચા થઈ. આ વખતે તો ચર્ચાના કેન્દ્રમાં ખુદ મુખ્યમંત્રી જ હતા. મોડાસામાં મુખ્યમંત્રીએ જાહેરાત કરી કે 2024ના અંત સુધીમાં રાજ્યના ખેડૂતોને દિવસે વીજળી મળશે. જાહેરાત કરતાની સાથે મંચ ઉપર હાજર ઉર્જામંત્રીને પણ મુખ્યમંત્રીએ ટકોર કરી દીધી કે આ અમલવારી થઈ જવી જોઈએ. જો કે સિક્કાની બીજી બાજુ એ પણ છે કે 2023માં વિધાનસભાના બજેટ સત્રમાં નાણા અને ઉર્જા મંત્રી કનુ દેસાઈએ જ કહ્યું હતું કે કિસાન સૂર્યોદય યોજના 2023ના અંત સુધીમાં અમલી બનશે, આ ડેડલાઈનમાં હવે નવી ડેડલાઈન ઉમેરાઈ છે અને હવે રાજ્યના ખેડૂતોએ 2024 સુધી રાહ જોવી રહી. 2020માં જ્યારે આ યોજના શરૂ કરવામાં આવી ત્યારે રાજ્ય સરકારનો દાવો હતો કે 2022 સુધીમાં આ યોજના દરેક જરૂરિયાતમંદ ખેડૂત સુધી પહોંચી જશે જેમાં સમયાંતરે મુશ્કેલીઓ આવી અને મર્યાદા લંબાતી જ ગઈ. હવે 2024ની ડેડલાઈન મળી છે ત્યારે કિસાન સૂર્યોદય યોજનાની સંપૂર્ણ અમલવારી થશે કે નહીં. જે તે સમયે સરકાર મોટેભાગે ફીડરમાં લોડની સમસ્યા આગળ ધરતી રહી ત્યારે એક વર્ષની અંદર આ સમસ્યાનું સમાધાન થઈ જશે કે નહીં. રાત્રે પાણી વાળવા અનેક ખેડૂતો મજબૂર બન્યા છે અને ગત વર્ષે તો ઠંડીની સિઝનમાં ખેડૂતના મૃત્યુના બનાવ પણ સામે આવ્યા ત્યારે હવે ગુજરાતના ખેડૂતો સુખનો સૂરજ જોઈ શકશે કે કેમ.
યોજનાની અમલવારી
કિસાન સૂર્યોદય યોજનાની અમલવારી માટે સરકાર સક્રિય થઈ છે. ખુદ મુખ્યમંત્રીએ નોંધ લીધી છે તેમજ ખેડૂતોને દિવસે વીજળીની ઘણા સમયથી માગ થઈ રહી છે. ડિસેમ્બર 2024 સુધીમાં ખેડૂતોને દિવસે વીજળી મળશે તેવો નિર્ધાર છે. સરકારની જાહેરાતને ખેડૂતોએ આવકારી છે. કિસાન સૂર્યોદય યોજનાની ઝડપી અમલવારી કઈ રીતે તે મહત્વનો સવાલ છે
કિસાન સૂર્યોદય યોજનાનો મૂળ હેતુ
ગુજરાતના ખેડૂતોને દિવસે વીજળી મળે
કિસાન સૂર્યોદય યોજના ક્યારે શરૂ થઈ હતી?
24 ઓક્ટોબર 2020
પહેલા તબક્કામાં ક્યા જિલ્લા સમાવિષ્ટ હતા?
દાહોદ
પાટણ
છોટાઉદેપુર
મહીસાગર
પંચમહાલ
ગીર-સોમનાથ
ખેડા
આણંદ
કિસાન સૂર્યોદય યોજનાના ફાયદા
સિંચાઈના પાણીથી ખેતર ફળદ્રુપ બનશે તેમજ વીજળી મળશે એટલે સિંચાઈના પાણીની સમસ્યા નહીં રહે અને ખેડૂતોને સિંચાઈ સંબંધી સમસ્યાઓ નડતી બંધ થશે અને સિંચાઈનું પાણી ઉપલબ્ધ થવાથી ખેડૂતોની આવક વધશે. પાકને સિંચાઈનું પાણી મળી રહેશે એટલે પાક સારો થશે
ખેડૂતોને શું મુશ્કેલી પડતી હતી?
ખેતરમાં અંધારુ હોય એટલે પાણી વાળવામાં મુશ્કેલી થાય છે તેમજ રાની પશુઓનો ભય રહે છે તેમજ વયોવૃદ્ધ ખેડૂતોએ પાણી વાળવા જવું પડે છે. દિવસના સમયે આકસ્મિક સંજોગ ઉભા થાય તો મદદ મળી શકે છે. રાત્રીના સમયે આકસ્મિક સંજોગોમાં મદદ મળવી મુશ્કેલ અને શિયાળામાં દિવસે વીજળી મળે તે વધુ જરૂરી
સરકાર સામે પડકાર શું?
માર્ચ 2023માં સરકારે વિધાનસભામાં જવાબ આપ્યો હતો
દિવસે વીજળી આપવામાં મુશ્કેલીઓ અંગે કહ્યું હતું
સરકારે ફીડરમાં લોડની સમસ્યાનું કારણ આગળ ધર્યું હતું
ઘણા જિલ્લા એવા છે જ્યાં થ્રી-ફેઝ વીજળી પૂરતી પહોંચતી નથી
થ્રી-ફેઝ વીજળી ન મળે ત્યારે ખેડૂત સિંગલ ફેઝ વીજળીથી પાકને પાણી આપે છે
સરકારે કેટલું બજેટ ફાળવ્યું હતું?
3500 કરોડ
કેટલા ખેડૂતોને લાભ મળશે?
19.25 લાખ
