તમારા કામનુ / શું વાત છે! ફ્રીમાં હૉંગકૉંગ ફરવાની મજા, સરકાર આપી રહી છે 5 લાખ ટિકિટ, જાણો કઈ રીતે

• હોંગકોંગમાં કોરોના દરમ્યાન લાગુ કડક નિયમોને હટાવી દેવામાં આવ્યાં
• ફરીથી પર્યટકોની સંખ્યા વધારવાની તૈયારી કરાઈ રહી છે
• ઑથોરિટીએ રાહત પેકેજના રૂપે એરલાઈનમાંથી ટીકિટ ખરીદી

પર્યટકોને લલચાવવા અનેક પ્રકારની ઑફર રજૂ કરાઈ

કોરોના મહામારીમાં ટુરિઝમનો વેપાર સૌથી વધુ પ્રભાવિત થયો હતો. કોરોનાકાળમાં વિશ્વભરમાં યાત્રાને લઇને તમામ પ્રકારના પ્રતિબંધ લાગુ હતા. પરંતુ હવે દુનિયા ધીરે-ધીરે કોવિડથી ઉભરી રહી છે. પર્યટકો ફરવા માટે બહાર નિકળવા લાગ્યા છે. જનજીવન પાટા પરથી પાછુ આવ્યું છે, પરંતુ ટુરિઝમનો વેપાર હજી પણ પ્રી-કોવિડ લેવલ પર પહોંચ્યો નથી. પ્રવાસન વિભાગ થોડા સમયમાં પાટા પર આવે અને પર્યટકોની સંખ્યા તરત પ્રી-કોવિડ લેવલ પર પહોંચે. પર્યટકોને લલચાવવા માટે અનેક પ્રકારની ઑફર પણ રજૂ કરાઈ રહી છે. આવી એક ધમાકેદાર ઑફર હોંગકોંગે રજૂ કરી છે. પોતાના દેશમાં પર્યટનને પ્રોત્સાહન આપવા માટે એેરપોર્ટ ઓથોરિટી હોંગકોંગ પાંચ લાખ હવાઈ ટીકિટ ફ્રીમાં આપવા જઇ રહી છે. 

હોંગકોંગ પર્યટકોને આકર્ષિત કરવાનો કરી રહ્યું છે પ્રયાસ 

કોવિડ પહેલા આખી દુનિયામાંથી મોટી સંખ્યામાં પર્યટકો ફરવા જતા હતા. પરંતુ મહામારીના કારણે પર્યટકોની સંખ્યામાં ઘટાડો આવ્યો. હવે એક વખત ફરીથી હોંગકોંગ પર્યટકોને આકર્ષિત કરવાનો પ્રયાસ કરી રહ્યું છે. જેના માટે હોંગકોંગ એરપોર્ટ ઑથોરિટી વિશ્વભરના પર્યટકો માટે પાંચ લાખ હવાઈ ટીકિટ મફતમાં આપી રહી છે. આ ટિકિટની કિંમત આશરે 254.8 મિલિયન ડૉલર જણાવવામાં આવી રહી છે. 

ઘરેલુ એરલાઈન્સની મદદ

હોંગકોંગમાં કોરોના દરમ્યાન લાગુ કડક નિયમ હટાવી દેવામાં આવ્યાં છે. તેથી હવે ત્યાં પર્યટકોની સંખ્યા વધારવા માટે દરેક શક્ય પ્રયાસ ઉપાડવામાં આવી રહ્યાં છે. સંપૂર્ણ તૈયારી કરાઈ રહી છે. હોંગકોંગ એરપોર્ટ ઓથોરિટીના પ્રવક્તા મુજબ એવિએશન સેક્ટરને સપોર્ટ કરવા માટે ઑથોરિટીએ રાહત પેકેજના રૂપમાં ઘરેલુ એરલાઈન્સમાંથી લગભગ પાંચ લાખ હવાઈ ટીકિટ એડવાન્સમાં ખરીદ્યા છે.