બેસ્ટ સ્કૂટર / ₹80000 માં મળતા આ સ્કૂટરની ભારતમાં બમ્પર ડિમાન્ડ: 30 દિવસમાં હાથોહાથ વેચાઈ ગયા 1.3 લાખ મોડલ

• Honda Activa એ ભારતમાં જૂન મહિનામાં ધૂમ મચાવી
• 30 દિવસમાં 1.30 લાખ લોકોએ આ સ્કૂટર ખરીદ્યું છે
• ભારતમાં જૂન મહિનામાં સૌથી વધુ વેચાતું સ્કૂટર બન્યું

ટુ-વ્હીલરના વેચાણની વાત કરીએ તો સૌથી વધુ માંગ મોટરસાઇકલની છે. જો કે, કેટલાક સ્કૂટર એવા પણ છે, જે સતત બાઇકને ટક્કર આપે છે. આ સેગમેન્ટમાં એક એવું સ્કૂટર છે, જેની સામે બજાજ પલ્સર અને હોન્ડા યુનિકોર્ન જેવી લોકપ્રિય બાઇક્સ પણ હાર માની લે છે. 30 દિવસમાં 1.30 લાખ લોકોએ આ સ્કૂટર ખરીદ્યું છે. આ સ્કૂટરનું નામ હોન્ડા એક્ટિવા છે. Honda Activa ભારતમાં જૂન મહિનામાં સૌથી વધુ વેચાતું સ્કૂટર રહ્યું છે. તેણે તેના સેગમેન્ટમાં TVS Jupiter, Suzuki Access, TVS Ntorq, Ola S1 અને TVS iQube જેવા લોકપ્રિય સ્કૂટર્સ અને ઇલેક્ટ્રિક સ્કૂટર્સને હરાવ્યા છે. ગયા મહિને એટલે કે જૂન મહિનામાં 1 લાખ 30 હજારથી વધુ ગ્રાહકોએ તેને ખરીદ્યું હતું. ગયા વર્ષના જૂન મહિનાની સરખામણીએ આ મોડલના વેચાણમાં પણ 29%નો ઘટાડો થયો છે. જૂન 2022માં એક્ટિવા 1.84 લાખથી વધુ ગ્રાહકોએ ખરીદ્યું હતું. જો કે તેમ છતા તેનું વેચાણ હજી પણ સૌથી વધુ છે.

TVS Jupiter જૂન મહિનામાં 64,252 સ્કૂટર વેચ્યા

TVS Jupiter જૂન મહિનામાં 64,252 યુનિટના વેચાણ સાથે દેશમાં બીજા નંબરનું સૌથી વધુ વેચાતું સ્કૂટર હતું. તે પછી સુઝુકી એક્સેસ 39,503 યુનિટ્સ, TVS Ntorq 28,077 યુનિટ્સ, Ola S1 સિરીઝના ઇલેક્ટ્રિક સ્કૂટર્સ 17,579 યુનિટ્સ, TVS iQube ઇલેક્ટ્રિક 14,462 યુનિટ્સ અને યામાહા રેઝર 13,441 યુનિટ્સ છે.

હોન્ડા એક્ટિવાની કિંમત

આ સ્કૂટર બે મોડલમાં આવે છે - એક્ટિવા 6જી અને એક્ટિવા 125. Honda Activa 6G મોડલના સ્ટાન્ડર્ડ વેરિઅન્ટની એક્સ-શોરૂમ કિંમત રૂ. 76,233 છે, DLX વેરિઅન્ટની એક્સ-શોરૂમ કિંમત રૂ. 78,734 છે અને H-Smart વેરિએન્ટની એક્સ-શોરૂમ કિંમત રૂ. 82,234 છે. Honda Activa 125 Drum વેરિયન્ટની એક્સ-શોરૂમ કિંમત રૂ. 79,806 છે, Drum Alloy વેરિયન્ટની એક્સ-શોરૂમ કિંમત રૂ 83,474 છે, ડિસ્ક વેરિએન્ટની એક્સ-શોરૂમ કિંમત રૂ 86,979 છે અને H-Smart વેરિએન્ટની એક્સ-શોરૂમ કિંમત છે. 88,979 રૂપિયા છે.