લોકસભા ચૂંટણી 2024 / 'જે ઈચ્છા થઈ એ તો કોંગ્રેસની સરકારોએ ઉઠાવ્યું અને લૂંટ્યું' હર્ષ સંઘવીએ રાહુલ ગાંધી પર તાક્યુ નિશાન

લોકસભા ચૂંટણીના બીજા તબક્કા બાદ હવે ત્રીજા તબક્કાના મતદાનની તૈયારીઓ શરૂ થઈ ગઈ છે. ત્રીજા તબક્કામાં ગુજરાતની 25 બેઠકો પર ચૂંટણી યોજાવા જઈ રહી છે. ત્યારે ભાજપે જોરશોરથી પ્રચાર શરૂ કર્યો છે. તો બીજી તરફ પક્ષ-વિપક્ષ એકબીજા પર આકારા પ્રહારો કરી રહ્યાં છે. ત્યારે ગુજરાતના ગૃહરાજ્યમંત્રી હર્ષ સંઘવીએ તેમના ટ્વીટર એકાઉન્ટ પર રાહુલ ગાંધીનો એક વીડિયો ટ્વીટ કર્યો છે. જેને લઈ ફરી રાજકારણ ગરમાયું છે.

ગૃહરાજ્યમંત્રી હર્ષ સંઘવીએ રાહુલ ગાંધી પર તાક્યું નિશાન

ગૃહરાજ્યમંત્રી હર્ષ સંઘવીએ રાહુલ ગાંધી પર નિશાન તાક્યું છે, જેમણે એક વીડિયો ટ્વીટ કરી લખ્યું છે કે, ''કૉંગ્રેસના યુવરાજ એ ભૂલી ગયા કે રાજા મહારાજ ઓ એ દેશ ને રજવાડા અર્પણ કર્યા.. જે ઈચ્છા થઈ એ તો કોંગ્રેસ ની સરકારો એ ઉઠાવ્યું અને લૂંટ્યું''. અત્રે જણાવીએ કે, જે વીડિયોમાં રાહુલ ગાંધી રાજા-રજવાડા વિશે બોલી રહ્યા છે. જેમાં રાહુલ ગાંધી કહી રહ્યાં છે કે, રાજા-મહારાજાઓ જમીનો હડપી લેતા હતા. જો કે, અત્યારે આ વીડિયો ખૂબ જ વાયરલ થઈ રહ્યો છે. જેના પગલે રાહુલ ગાંધીની મુસીબત વધી શકે છે.

વાંચવા જેવું: 400 પાર થાય તો બંધારણ બદલી શકાય? અનામતને લઇન કોંગ્રેસના સવાલો પર ભાજપનો જવાબ શું?

રાહુલ ગાંધી સભામાં રાજા-રજવાડા વિશે બોલી રહ્યા છે

હર્ષ સંઘવીએ રાહુલ ગાંધીનો વીડિયો ટ્વીટ કર્યો છે, જેને લઈ અનેક કોમેન્ટ પણ આવી રહી છે. અત્રે જણાવીએ કે, ક્ષત્રિય સમાજને લઈ પરષોત્તમ રૂપાલા કરેલી ટીપ્પણીનો વિવાદ હજુ સમ્યો નથી. તેવામાં હવે કોંગ્રેસ નેતાએ રાજા-રજવાડાને લઈ ટીપ્પણી કરી છે. ત્યારે પરષોત્તમ રૂપાલાની જેમ રાહુલ ગાંધીની મુશ્કેલી વધે તો નવાઈ નહી કહેવાય