લોકસભા ચૂંટણી 2024 / લોકસભામાં પૈસે ટકે કોણ સૌથી વધુ બળવાન? આ 10 ઉમેદવારો પાસે છે અધધધ સંપત્તિ

Vishal Dave

Last Updated: 10:59 PM, 11 April 2024

FOLLOW ON

શેર કરો

મધ્યપ્રદેશના પૂર્વ મુખ્યમંત્રી કમલનાથના પુત્ર નકુલ નાથ પ્રથમ તબક્કાના સૌથી અમીર ઉમેદવાર છે.

લોકસભા ચૂંટણી 2024નું બ્યુગલ વાગી ગયું છે અને તમામ રાષ્ટ્રીય અને પ્રાદેશિક પક્ષોએ પ્રચાર શરૂ કરી દીધો છે. આ ઉપરાંત પાર્ટીઓ પણ પોતાના ઉમેદવારોના નામની જાહેરાત કરી રહી છે. ચૂંટણી લડતા દરેક ઉમેદવારે ચૂંટણી એફિડેવિટમાં તેની સંપૂર્ણ વિગતો આપવાની હોય છે..ચૂંટણી એફિડેવિટમાં ઉમેદવારોને લગતી તમામ માહિતી હોય છે, જેમાં સ્થાવર અને જંગમ મિલકત અને ફોજદારી કેસોની વિગતો પણ હોય છે. ચૂંટણી એફિડેવિટ દ્વારા ઉમેદવારો દ્વારા જાહેર કરાયેલી સંપત્તિના આધારે, અમે અહીં લોકસભાના પ્રથમ તબક્કાના સૌથી ધનિક ઉમેદવારો વિશે જણાવવા જઈ રહ્યા છીએ.

નકુલ નાથ સૌથી અમીર ઉમેદવાર છે.

એસોસિયેશન ફોર ડેમોક્રેટિક રિફોર્મ્સ (એડીઆર) એ તાજેતરમાં લોકસભા ચૂંટણીના પ્રથમ તબક્કામાં સૌથી ધનિક ઉમેદવારો વિશે માહિતી આપી છે. આ અહેવાલ મુજબ મધ્યપ્રદેશના પૂર્વ મુખ્યમંત્રી કમલનાથના પુત્ર નકુલ નાથ પ્રથમ તબક્કાના સૌથી અમીર ઉમેદવાર છે. છિંદવાડા (મધ્યપ્રદેશ) થી ચૂંટણી લડી રહેલા નકુલનાથે 716 કરોડ રૂપિયાની સંપત્તિ જાહેર કરી છે, જે પ્રથમ તબક્કાના તમામ ઉમેદવારોમાં સૌથી વધુ છે.

ADR રિપોર્ટ હાઇલાઇટ્સ:

ADRના આ રિપોર્ટમાં નકુલ નાથનું નામ સૌથી ઉપર છે. પ્રથમ તબક્કામાં બીજા સૌથી ધનિક ઉમેદવાર AIADMKના અશોક કુમાર છે, જે તમિલનાડુના ઈરોડથી ચૂંટણી લડી રહ્યા છે, જેમણે રૂ. 662 કરોડની સંપત્તિ જાહેર કરી છે.

આ યાદીમાં ત્રીજા સૌથી ધનિક ઉમેદવાર શિવગંગાઈ (તામિલનાડુ)ના ભાજપના ઉમેદવાર દેવનાથન યાદવ છે જેમણે 304 કરોડ રૂપિયાની સંપત્તિ જાહેર કરી છે.

ADR રિપોર્ટ જણાવે છે કે પ્રથમ તબક્કાના 28% ઉમેદવારો "કરોડપતિ" છે, જેમની સંપત્તિ 1 કરોડ રૂપિયાથી વધુ છે. રિપોર્ટ અનુસાર, આરજેડીના ચારેય ઉમેદવારો, AIADMKના 36માંથી 35 ઉમેદવારો અને DMKના 22માંથી 21 ઉમેદવારોએ તેમની સંપત્તિ 1 કરોડ રૂપિયાથી વધુની જાહેર કરી છે.

પ્રથમ તબક્કાના ટોચના 10 સૌથી ધનિક ઉમેદવારો:

1
નકુલ નાથ,મધ્યપ્રદેશ
બેઠકઃ છિંદવાડા
પાર્ટીઃકોંગ્રેસ
સંપતિઃ 716 કરોડ

2
અશોક કુમાર,તમિલનાડુ
બેઠકઃઇરોડ
પાર્ટીઃAIADMK
સંપતિઃ 662 કરોડ

3
દેવનાથન યાદવ ટી, તમિલનાડુ
બેઠકઃ શિવગંગાય
પાર્ટીઃ ભાજપ
સંપતિઃ 304 કરોડ

4
માલા રાજ્ય લક્ષ્મી શાહ,ઉત્તરાખંડ
બેઠકઃ ટિહરી ગઢવાલ
પાર્ટીઃ ભાજપ
સંપતિઃ 206 કરોડ

5
માજીદ અલી,ઉત્તર પ્રદેશ
બેઠકઃ સહારનપુર
પાર્ટીઃબસપા
સંપતિઃ 159 કરોડ
6
એસી ષણમુગમ,તમિલનાડુ
બેઠકઃ વેલ્લોર
પાર્ટીઃ ભાજપ
સંપતિઃ 152 કરોડ
7
જયપ્રકાશ વી, તમિલનાડુ
બેઠકઃ કૃષ્ણગિરી
પાર્ટીઃ AIADMK
સંપતિઃ 135 કરોડ