નિર્ણય / હવેથી ગુજરાત યુનિવર્સિટીના ખાનગી કોર્સમાં બારોબાર સર્ટિફિકેટ ઇશ્યૂ નહીં થાય, લેવાયો મહત્વનો નિર્ણય

• ખાનગી કોર્સમાં સેન્ટ્રલાઈઝ્ડ સર્ટિ.ઈશ્યુ કરાશે 
• રજિસ્ટ્રારની મંજૂરી અને સહીથી સર્ટિ.ઈશ્યુ કરાશે 
• ગુજરાત યુનિવર્સિટી દ્વારા કરાયો નિર્ણય 

Gujarat University : ગુજરાત યુનિવર્સિટીના ખાનગી કોર્સના સર્ટિફિકેટને લઈ મોટા સમાચાર સામે આવ્યા છે. વાત જાણે એમ છે કે, આગામી દિવસોએ હવે ગુજરાત યુનિવર્સિટીમાં ખાનગી કોર્સમાં સેન્ટ્રલાઈઝ્ડ સર્ટિફિકેટ ઈશ્યુ કરાશે. આ સેન્ટ્રલાઈઝ્ડ સર્ટિફિકેટ રજિસ્ટ્રારની મંજૂરી અને સહીથી ઈશ્યુ કરાશે. નોંધનીય છે કે, કેટલાક કોર્સમાં નોલેજ પાર્ટનર એજન્સી દ્વારા બારોબાર સર્ટિફિકેટ ઈશ્યુ થતાં હોવાનું ધ્યાને આવતા આ નિર્ણય લેવાયો છે. 

ગુજરાત યુનિવર્સિટી દ્વારા ફરી એકવાર મોટો નિર્ણય લેવામા આવ્યો છે. વિગતો મુજબ ગુજરાત યુનિવર્સિટીમાં 47 જેટલા હાયર પેમેન્ટ અને સેલ્ફ ફાયનાન્સ કોર્સ ચાલે છે. જોકે કેટલાક  કોર્સમાં નોલેજ પાર્ટનર એજન્સી દ્વારા બારોબાર સર્ટી ઇશ્યું થયા હતા. જે વાત ગુજરાત યુનિવર્સિટીને ધ્યાને આવતા હવે એક મોટો નિર્ણય કરવામાં આવ્યો છે. 

રજિસ્ટ્રારની મંજૂરી અને સહીથી સર્ટિફિકેટ ઈશ્યુ કરાશે 
ગુજરાત યુનિવર્સિટીમાં ચાલતા 47 જેટલા હાયર પેમેન્ટ અને સેલ્ફ ફાયનાન્સ કોર્સમાં હવેથી સેન્ટ્રલાઈઝ્ડ સર્ટિફિકેટ ઈશ્યુ કરાશે. એટલે કે હવે તમામ હાયર પેમેન્ટ કે સેલ્ફ ફાયનાન્સ કોર્સમાં રજિસ્ટ્રાર દ્વારા સર્ટિફિકેટ ઈશ્યુ કરાશે. જેમાં રજિસ્ટ્રારની મંજૂરી અને સહીથી સર્ટિફિકેટ ઈશ્યુ કરવામાં આવશે.