હવામાન અપડેટ / અંબાલાલ પટેલની ટાઢક આપતી આગાહી, આ તારીખથી ગરમીમાંથી મળશે રાહત

રાજ્યમાં શિયાળા બાદ ગરમીની સીઝન શરૂ થતાની સાથે જ લોકો ત્રાહિમામ પોકારી ઉઠ્યા છે. તો બીજી તરફ ગરમીનો પારો વધતા લોકો બપોરનાં સમયે ઘરમાં રહેવાનું વધુ પસંદ કરી રહ્યા છે. ત્યારે હવામાન શાસ્ત્રી અંબાબલાલ પટેલ દ્વારા ગરમીને લઈ રાહતની આગાહી કરવામાં આવી છે. આગામી સમયમાં શહેરીજનો ગરમીથી આંશિક રાહત મેળવશે.

અંબાલાલ પટેલ (હવામાન નિષ્ણાંત)

રાજ્યમાં ગરમીનું જોર ઘટશે

હવામાન નિષ્ણાંત અંબાલાલ પટેલ દ્વારા ગરમીને લઈ રાહતની આગાહી કરતા જણાવ્યું હતું કે, આગામી તા. 15 માર્ચથી રાજ્યમાં ગરમીનું જોર ઘટશે. તેમજ ઉત્તર ગુજરાત, પૂર્વ ગુજરાત અને કચ્છમાં 36 ડિગ્રી તાપમાન રહેશે. તેમજ પશ્ચિમ સૌરાષ્ટ્રનાં ભાગોમાં મહત્તમ તાપમાન 33 ડિગ્રી સુધી રહેશે. જ્યારે જૂનાગઢમાં 34 થી 36 ડિગ્રી વચ્ચે તાપમાન રહે તેવી સંભાવના છે.

વધુ વાંચોઃ શિક્ષણ, તાલીમ અને થેરાપી સાથે બાળકોને તહેવારોની સમજણ આપતી સંસ્થા એટલે `ન્યુ વે સ્પેશિયલ સ્કૂલ'

એપ્રિલ માસમાં હવામાનમાં પલ્ટો આવશે

અમરેલી જીલ્લામાં પણ ગરમીનો તાપમાનનો પારો ગગડશે. મધ્ય ગુજરાતમાં મહત્તમ તાપમાન 37 ડિગ્રીએ નોંધાય તેવી શક્યતાઓ છે. તેમજ 20 માર્ચ પછી ફરી કાળઝાળ ગરમી પડશે. એપ્રિલ મહિનાની શરૂઆતમાં વાતાવરણમાં પલટો આવશે. તેમજ હવામાન નિષ્ણાંત અંબાલાલ પટેલ દ્વારા એપ્રિલ માસમાં વેસ્ટર્ન ડિસ્ટર્બન્સનાં કારણે હવામાનમાં વધઘટ થવાની શક્યતાઓ પણ વ્યક્ત કરી છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ