સ્વાસ્થ્ય / ફાસ્ટ ફૂડ ખાનારા સાવધાન! તે એક નહીં, અનેક અંગોને પહોંચાડે છે નુકસાન, જાણો તેનાથી થતી સમસ્યાઓ વિશે

• ફાસ્ટ ફૂડ ખાતા હોવ તો ચેતી જજો 
• હાર્ટ હેલ્થને પહોંચે છે નુકસાન 
• જાણો તેના નુકસાન વિશે 

સ્વાસ્થ્ય નિષ્ણાંત કહે છે કે દરેક લોકોને આહારની ગુણવત્તા પર ધ્યાન આપવું જરૂરી છે. આપણે જે પ્રકારની વસ્તુઓનું સેવન કરીએ છીએ તેની સ્વાસ્થ્ય પર સીધી અસર પડે છે. સંશોધકોને જાણવા મળ્યું છે કે આપણા શરીરને સૌથી વધારે નુકસાન ફાસ્ટ અને પ્રોસેસ્ડ ફૂડ્સથી થાય છે. તેના હેઠળની વસ્તુઓ ઝડપથી શરીરના વજનને ઓછુ કરે છે સાથે જ તેના કારણે ઘણા પ્રકારની ક્રોનિક બીમારીઓનો ખતરો પણ વધે છે. 

ફાસ્ટ ફૂડ્સની અસર શારીરિક અને માનસિક બન્ને પ્રકારના સ્વાસ્થ્ય પર પડે છે. ફાસ્ટ ફૂડ અને જંક ફૂડ્સમાં કેલેરી વધારે હોય છે જેના કારણે ઝડપથી વજન વધવાનો ખતરો છે. ઉપરાંત આ વસ્તુઓ હાર્ટ હેલ્થ માટે પણ હાનિકારક છે. જાણો ફાસ્ટ ફૂડ્સથી સ્વાસ્થ્યને થતી મુશ્કેલીઓ વિશે. 

વજન વધવાનો ખતરો 
ફાસ્ટ ફૂડ્સના કારણે જે સ્વાસ્થ્ય સમસ્યાઓનું જોખમ સૌથી વધારે હોય છે તેમાં ઝડપથી વજન વધવું પ્રમુખ છે. બર્ગર, ફ્રાઈઝ અને તળેવી વસ્તુઓમાં ફેટ, કેલેરી અને વધારે પ્રમાણમાં કાર્બ્સ હોય છે. જો તમે તેને વધારે ખાઓ છો તો તેનાથી વજન ઝડપથી વધવાનો ખતરો રહે છે. વજન વધવાના કારણે ઘણા પ્રકારની ક્રોનિક હેલ્થ સમસ્યાઓ જેવી કે હાર્ટ ડિસીઝ અને ડાયાબિટીસનું પણ જોખમ રહે છે. 

વધી શકે છે તમારૂ બ્લડ પ્રેશર 
જો તમે મોટાભાગે ફાસ્ટ ફૂડ્સનું સેવન કરો છો તો આ તમારા બ્લડ પ્રેશરને પણ વધારી શકે છે. આ પ્રકારની વસ્તુઓમાં સોડિયમનું પ્રમાણ વધારે હોય છે. જે સીધી રીતે હાઈપરટેન્શનના પ્રમુખ કારણોમાંથી એક છે. નિષ્ણાંતો તેનું બને તેટલું ઓછા પ્રમાણમાં સેવન કરવાની સલાહ આપે છે. 

વધારે પડતુ સોડિયમ તમારા બ્લડ પ્રેશરને વધારવાની સાથે જ તમારી નસોને પણ નુકસાન પહોંચાડે છે. તેનાથી હાર્ટ ફેલિયર, હાર્ટ એટેક અને સ્ટ્રોકનો ખતરો પણ વધી જાય છે. 

ડાયાબિટીસના દર્દીઓ માટે નુકસાનકારક 
ફાસ્ટ ફૂડ્સ અને પ્રોસેસ્ડ ફૂડમાં કાર્બ્સનું પ્રમાણ વધારે હોય છે. જે શર્કરાને તોડે છે. શરીરમાં રક્ત શર્કરાનું અનિયંત્રિત સ્તર હોવું ઘણા પ્રકારની સ્વાસ્થ્ય સમસ્યાઓના જોખમને વધારે છે. સમયની સાથે સતત વધતા શર્કરાની સ્થિતિ સ્વાદુપિંડ માટે મુશ્કેલી વધારે છે.