- દહીં આ સાથે આ વિરુદ્ધ આહારનું સેવન ના કરો
- દહીંમાં અનેક પોષક તત્ત્વો રહેલા છે
- દહીં પાચનતંત્રને મજબૂત બનાવવાનું કામ કરે છે
દહીં અને માછલી એકસાથે ખાવા જોઈએ કે, તે બાબતે લોકો મૂંઝવણમાં રહે છે. ભારતમાં મોટાભાગના લોકો દહીં અને માછલીનું એકસાથે સેવન કરવાની ના પાડતા હોય છે. આયુર્વેદ અનુસાર દહીંની સાથે અન્ય વસ્તુઓ મિશ્ર કરીને પણ તેનું સેવન ના કરવું જોઈએ. દહીંમા સારા બેક્ટેરિયા હોય છે, જે પાચનતંત્રને મજબૂત બનાવવાનું કામ કરે છે. દહીમાં પ્રોટીન, કેલ્શિયમ, વિટામીન બી6 અને વિટામીન બી 12 સહિત ઘણા પોષક તત્ત્વો સામેલ હોય છે.
દહીં અને માછલી- આયુર્વેદ અનુસાર દહીં અને માછલી વિરુદ્ધ આહાર છે. મેડિકલ સાયન્સ અનુસાર દહીં અને માછલીમાં અલગ-અલગ પ્રકારના પ્રોટીન હોય છે. આ પ્રોટીનનું એકસાથે સેવન કરવાથી પાચનમાં સમસ્યા થઈ શકે છે. જેના કારણે એસિડિટી અને ગેસની સમસ્યા થાય છે. આયુર્વેદ અનુસાર, અયોગ્ય પાચનને કારણે, અગ્નિબંધ થઈ શકે છે, જેથી ત્વચા પર ફોલ્લીઓ થાય છે.
ડુંગળી અને દહીં- આયુર્વેદ અનુસાર ડુંગળી અને દહીં સાથે ના ખાવા જોઈએ. ડુંગળીની તાસીર ગરમ હોય છે અને દહીંની તાસીર ઠંડી હોય છે. ડુંગળી અને દહીંનું એકસાથે સેવન કરવાથી એલર્જી, ખરજવું, સોરાઈસીસ અને ફોલ્લીઓ થઈ શકે છે.
દહીં અને ઓઈલી ફૂડ- દહીંની સાથે તળેલો ખોરાક જેમ કે, છોલે-ભટુરે, પરોઠા, પુરીનું સેવન ના કરવું જોઈએ. જેના કારણે પાચનની સમસ્યા થઈ શકે છે. દહીં સાથે આ વસ્તુઓ શરીર સુસ્ત બની જાય છે.
દહીં અને કેરી- દહીં અને કેરી સાથે ખાવાથી નુકસાન થઈ શકે છે, પેટ ફૂલવા લાગે છે અને ગેસ થાય છે. કેરીની તાસીર ગરમ હોય છે અને દહીં ઠંડક પ્રદાન કરે છે. જેના કારણે પાચનની સમસ્યા થઈ શકે છે. તેનાથી ત્વચા પર ફોલ્લીઓ થાય છે. દહીં અને કેરીનું એકસાથે સેવન કરવાથી ટોક્સિન બનવા લાગે છે.
દૂધ અને દહીં- દૂધ અને દહીં એકસાથે ના ખાવા જોઈએ. જેના કારણે એસિડિટી, હાર્ટબર્ન અને પેટ ફૂલવાની સમસ્યા થઈ શકે છે.
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
