દેશમાં ખાનગી ક્ષેત્રની સૌથી મોટી ધિરાણ કરનારી HDFC Bankએ MSME ક્ષેત્રમાં પોતાની ક્ષમતા વધારવા માટે ચાલુ નાણાંકીય વર્ષ દરમ્યાન 500થી વધારે Relationship Managersની નિમણુંક કરવાનો નિર્ણય લીધો છે.
ખાનગી ક્ષેત્રની HDFC Bankમાં પડી ભરતી
Bank MSME ક્ષેત્રમાં વધારશે પોતાનો વ્યાપ
500થી વધુ Relationship Managersની કરાશે નિમણુંક
અમે પોતાની MSME પહોંચને વધારી રહ્યાં છે
આ નિમણુંકોની સાથે બેંકના માઈક્રો, નાના અને મધ્યમ શાખામાં કુલ કર્મચારીઓની સંખ્યા 2500 થઈ જશે. અત્યારે બેંકની MSME શાખાની પહોંચ 545 જિલ્લા સુધી છે, જ્યાં તેના સંપર્ક મેનેજર અને નિરીક્ષક છે. ચાલુ નાણાંકીય વર્ષના અંત સુધીમાં આ ક્ષમતા વધીને ઓછામાં ઓછી 575 જિલ્લા સુધી થઈ જશે. બેંકિંગ કારોબાર અને હેલ્થ કેર ફાઈનાન્સના વરિષ્ઠ કાર્યકારી ઉપાધ્યક્ષ સુમંત રામપાલે સોમવારે પીટીઆઈને જણાવ્યું, અમે પોતાની MSME પહોંચને 545થી વધારી 575 જિલ્લા સુધી કરી રહ્યાં છે. એવામાં ચાલુ નાણાંકીય વર્ષમાં MSME શાખામાં 500થી વધુ લોકોની નિમણુંક કરી રહ્યાં છે. જેનાથી આ શાખામાં કુલ કર્મચારીઓની સંખ્યા 2500થી થોડી વધારે હોવી જોઈએ.
લોન સુવિધા વધારવાના ક્ષેત્રમાં પણ થયો વધારો
MSME હેઠળ જથ્થાબંધ અને છૂટક વ્યાપારીઓની લોનને સામેલ કર્યા બાદ 2021ના જાન્યુઆરીથી માર્ચ સુધીમાં બેંકનું MSME લોનનું દેવુ સામાન્ય રીતે વધીને 2,01,833 કરોડ રૂપિયા થયુ છે, જે ડિસેમ્બર 2020માં 2,01,758 કરોડ રૂપિયા હતું. રામપાલે વધુમાં કહ્યું કે, બેંકનો MSME પોર્ટફોલિયો, કપડાં, નિર્માણ, એગ્રો-પ્રોસેસિંગ, રસાયણ, ગ્રાહકનો સામાન, હોટલ અને રેસ્ટોરન્ટ, ઓટો મશીનરી, ફાર્મા અને કાગળ ઉદ્યોગ જેવા ક્ષેત્રોમાં ફેલાયેલો છે અને તેમાં જથ્થાબંધ વેપારી, છૂટક વેપારી, વિતરક સામેલ છે. તેમણે કહ્યું કે, બેંક છેલ્લાં બે વર્ષોથી આ ક્ષેત્ર પર ખાસ ધ્યાન આપી રહી છે અને મહામારી બાદ સરકાર દ્વારા નાના વ્યાપારીઓ માટે લોન સુવિધા વધારવાના ક્ષેત્રમાં પણ વધારો થયો છે.