- બેટ દ્વારકામાં આવેલ ટાપુઓની જમીન મામલે HCની નારાજગી
- તમે શું બોલો છો તેનું કંઈ ભાન છે?: હાઈકોર્ટની અરજદારને ટકોર
- કૃષ્ણ નગરીમાં વકફ કમિટી જમીનનો દાવો કેવી રીતે કરી શકે?: HC
બેટ દ્વારકામાં 8 જેટલા નાના ટાપુઓની જમીન મામલે ગુજરાત હાઈકોર્ટે નારાજગી દર્શાવી છે, બેટ દ્વારકાના 2 ટાપુઓની જમીન મૂળ વકફ બોર્ડની હોવાનો દાવો કરાતા હાઈકોર્ટ અરજી સાંભળવાનો ઈન્કાર કરી દીધો હતો. મહત્વનું છે કે વકફ કમિટીએ જમીન પોતાની માલિકીની હોવાની અરજી કરી હતી. ત્યારે હાઈકોર્ટે નારાજગી દર્શાવતા કહ્યું હતું કે તમે શું બોલો છો તેનું કંઈ ભાન છે? કૃષ્ણ નગરીમાં વકફ કમિટી જમીનનો દાવો કેવી રીતે કરી શકે? જે બાદ હાઈકોર્ટે અરજી સાંભળવાનો ઈન્કાર કરી દીધો હતો. જસ્ટિસ સંગીતા વિસેનની કોર્ટમાં આ અરજી મુદ્દે સુનાવણી હાથ ધરાઈ હતી.
8 જેટલા નાના ટાપુઓની જમીન મામલે હાઈકોર્ટની નારાજગી
સુન્ની વક્ફ બોર્ડે દેવભૂમિ દ્વારકામાં સ્થિત બેટ દ્વારકાના બે ટાપુઓ પર દાવો કર્યો છે. ન્યાયાધીશે અરજદારને કહ્યું કે તમે શું વાત કરો છો. ભગવાન કૃષ્ણના શહેર પર તમારો અધિકાર કેવી રીતે હોઈ શકે? ન્યાયાધીશે આ અરજી પણ ફગાવી દીધી હતી. બેટ દ્વારકામાં લગભગ આઠ ટાપુઓ છે, જેમાંથી ભગવાન કૃષ્ણના બે મંદિરો બંધાયેલા છે. એવું માનવામાં આવે છે કે ભગવાન કૃષ્ણની પૂજા કરતી વખતે, મીરાબાઈ અહીં તેમની મૂર્તિમાં સમાઈ ગયા હતા. બેટ દ્વારકાના આ બે ટાપુઓ પર લગભગ સાત હજાર પરિવારો રહે છે, જેમાંથી લગભગ 6 હજાર પરિવારો મુસ્લિમ છે. વકફ બોર્ડ આના આધારે આ બે ટાપુઓ પર પોતાનો દાવો કરે છે, પરંતુ કોર્ટમાં તેની કાર્યવાહી પર આશ્ચર્ય વ્યક્ત કરીને તેમના દાવાને ફગાવી દીધો હતો.
દ્વારકાને લઇને શું માન્યતા છે?
દ્વાપર યુગમાં ભગવાન કૃષ્ણએ 12 યોજન ભૂમિ પર નગરની સ્થાપના કરી હતી અને મથુરા છોડી શ્રી કૃષ્ણએ દ્વારકાના દરિયા કિનારે વસવાટ કર્યો હતો. દ્વારકાએ ગોમતી નદી અને અરબી સમુદ્રના સંગમ પર આવેલું એક સમૃદ્ધ શહેર હતું અહીં મહાભારત યુદ્ધના 36 વર્ષ પછી જ દ્વારકાપુરી સમુદ્રમાં ડૂબી હતી.એવું માનવામાં આવે છે કે 9000 વર્ષ જૂનું ઉત્તમ શહેર 4000 વર્ષ પહેલા દરિયામાં ડૂબી ગયું એવી માન્યતા છે. અગાઉ એવું માનવામાં આવતું હતું કે પૂર્વે ભારતમાં ઉચ્ચ ક્રમની કોઈ સંસ્કૃતિ ન હોવી જોઈએ, પરંતુ કાર્બન ડેટિંગ પરથી હવે સ્પષ્ટ થાય છે કે દ્વારકા 9000 વર્ષ જૂનું શહેર છે. આ પૌરાણિક શહેર હિમયુગ પછી 400 ફૂટની ઉંચાઈને કારણે દરિયામાં ડૂબી ગયું હોવાનું પણ કહેવાય છે. એવું માનવામાં આવે છે કે દ્વાપર યુગમાં ભગવાન કૃષ્ણએ અહીં 12 યોજન ભૂમિ પર નગરની સ્થાપના કરી હતી. દરિયાની અનંત ઊંડાણમાં ડૂબી ગયેલું દ્વારકા, ગોમતી નદી (ગુજરાત) અને અરબી સમુદ્રના સંગમ પર આવેલું એક સમૃદ્ધ શહેર હતું. દ્વારકા સમુદ્રમાં વિલીન થયા પછી ભગવાન શ્રીકૃષ્ણ વૈકુંઠધામ ગયા હતા. હાલનું બેટ દ્વારકા જ્યાં આવેલું છે, તે જ દરિયાના ભાગમાં પ્રાચીન શહેર વસેલું હતું.
બેટ દ્વારકાના કલસ્ટરમાં 8 નાના ટાપુ
બેટ દ્વારકાને લઇને માન્યતા વકફ બોર્ડ દ્વારકામાં આવેલા બે ટાપુઓ પર પોતાની માલિકી હોવાનો દાવો કર્યો છે. બેટ દ્વારકાના કલસ્ટરમાં 8 નાના ટાપુ છે જ્યારે દ્વારકાના કિનારે આવેલો નાનો ટાપુ બેટ દ્વારકા છે, અહીં શ્રી કૃષ્ણ શાસન દ્વારકાથી કરતા હતા જ્યારે શાસન દરમિયાન શ્રીકૃષ્ણનું નિવાસ સ્થાન બેટ દ્વારકા હતું શ્રી કૃષ્ણનું પ્રિયસ્થાન હોવાથી આજ સુધી બેટ દ્વારકાને કોઇ આંચ આવી નથી, અહીં ભૂકંપ,સુનામી જેવી કુદરતી આફતથી બેટ દ્વારકાને કશું નુકસાન થયું નથી.
