- કોંગ્રેસના ઉદય ભાને PM મોદી વિરુદ્ધ વાંધાજનક શબ્દોનો ઉપયોગ કર્યો
- પીએમ પર પત્નીની જિંદગી બરબાદ કરવાનો આરોપ પણ લગાવ્યો
- ઉદય ભાનનો એક વીડિયો સોશિયલ મીડિયા પર વાયરલ થઈ રહ્યો છે
- દેશ ચોક્કસપણે આ બાબતોનો જવાબ આપશે : CM ખટ્ટર
હરિયાણા કોંગ્રેસના પ્રદેશ અધ્યક્ષ ઉદય ભાન પીએમ મોદી વિરુદ્ધ કરેલી ટિપ્પણીને લઈને પ્રહારો કરી રહ્યા છે. પીએમ મોદી પર અપમાનજનક ટિપ્પણીને લઈને ભાજપે કોંગ્રેસ પર નિશાન સાધ્યું છે. એક વીડિયો સામે આવ્યા બાદ ભાજપે આ મુદ્દો ઉઠાવ્યો છે. વીડિયોમાં કોંગ્રેસ નેતા ઉદય ભાન કથિત રીતે પીએમ મોદી અને હરિયાણાના મુખ્યમંત્રી મનોહર લાલ ખટ્ટરનું નામ લીધા વિના તેમની વિરુદ્ધ અપશબ્દોનો ઉપયોગ કરી રહ્યા છે. આ અંગે હરિયાણાના સીએમ મનોહર લાલ ખટ્ટરે કહ્યું કે દેશ ચોક્કસપણે આ બાબતોનો જવાબ આપશે. ભાજપના પ્રવક્તા સુધાંશુ ત્રિવેદીએ કહ્યું કે, ઉદય ભાને વડાપ્રધાન માટે સસ્તા અને અભદ્ર શબ્દોનો ઉપયોગ કર્યો છે, જેની પૂરતી નિંદા કરી શકાય તેમ નથી. તેમણે કહ્યું કે આનાથી માત્ર ભાજપના સભ્યોને જ નહીં પરંતુ દેશની જનતાને પણ દુઃખ થયું છે. તેમણે આરોપ લગાવ્યો કે કોંગ્રેસના નેતાઓએ અગાઉ પણ તેમની વિરુદ્ધ જ નહીં પરંતુ તેમના માતા-પિતા વિરુદ્ધ પણ આવી જ નિમ્ન કક્ષાની અને વાંધાજનક ટિપ્પણીઓ કરી હતી.
કોંગ્રેસ નેતાની ટિપ્પણીની નિંદા કરી
ત્રિપુરાના ભૂતપૂર્વ મુખ્ય પ્રધાન અને ભારતીય જનતા પાર્ટી (BJP) હરિયાણાના પ્રભારી બિપ્લબ કુમાર દેબે સોશિયલ મીડિયા પ્લેટફોર્મ 'X' પર ભાનની કથિત વીડિયો ક્લિપ શેર કરી અને પ્રશ્ન કર્યો કે શું કોઈ વિપક્ષી નેતાએ કોંગ્રેસ નેતાની ટિપ્પણીની નિંદા કરી છે. ભાન પર નિશાન સાધતા દેબે તેમની ટિપ્પણીને વિરોધ પક્ષની વિકૃત માનસિકતા નું પ્રતિબિંબ ગણાવ્યું. તેમણે કહ્યું, શું આ રાહુલ ગાંધીની પ્રેમની દુકાન છે? શું કોઈ વિપક્ષી નેતાએ આની નિંદા કરી છે? શું કોંગ્રેસે તેમને માફી માંગવા કહ્યું છે?
બિધુરીને કારણ બતાવો નોટિસ જારી
ભાજપે લોકસભામાં દાનિશ અલી પર અપમાનજનક ટિપ્પણી કરવા બદલ બિધુરીને કારણ બતાવો નોટિસ જારી કરી છે, જ્યારે લોકસભાના સ્પીકર ઓમ બિરલાએ જો આવી વર્તણૂકનું પુનરાવર્તન થશે તો 'કડક પગલાં' લેવાની ચેતવણી આપી છે. જો કે વિપક્ષ ભાજપના સાંસદ સામે કડક કાર્યવાહીની માંગ કરી રહ્યો છે. અલીએ કહ્યું છે કે જો કોઈ કાર્યવાહી કરવામાં નહીં આવે તો તે ગૃહનું સભ્યપદ છોડવાનું વિચારી શકે છે. ભાજપ દ્વારા કોંગ્રેસ પર આ નિશાન એવા સમયે કરવામાં આવ્યું છે જ્યારે બહુજન સમાજ પાર્ટી (BSP)ના સાંસદ દાનિશ અલી વિરુદ્ધ શાસક પક્ષના સાંસદ રમેશ બિધુરી દ્વારા વાંધાજનક શબ્દોના ઉપયોગને લઈને ભાજપને ટીકાનો સામનો કરવો પડી રહ્યો છે. આ એક એવો મુદ્દો છે જેના પર વિપક્ષી પાર્ટીઓ એક થઈ ગઈ છે.
