- ભારત અને ઓસ્ટ્રેલિયા વચ્ચે ICC વર્લ્ડ કપ 2023ની ફાઇનલ મેચનો મહામુકાબલો
- ઓલરાઉન્ડર હાર્દિક પંડ્યાને લઈ મોટા સમાચાર
- ઓસ્ટ્રેલિયા બાદ યોજાનાર પ્રવાસમાંથી પણ હાર્દિક બહાર નીકળી શકે છે
ભારત અને ઓસ્ટ્રેલિયા વચ્ચે ICC વર્લ્ડ કપ 2023ની ફાઇનલ મેચનો મહામુકાબલો ખેલાશે. જેને લઈને લઈને ક્રિકેટ પ્રેમીઓની આતુરતા અસમાનને આંબી રહી છે. આ મેચ 19મી નવેમ્બરે અમદાવાદના નરેન્દ્ર મોદી ક્રિકેટ સ્ટેડિયમમાં રમાશે. ફાઇનલ પહેલા ટીમ ઈન્ડિયા માટે એક ખરાબ સમાચાર આવી રહ્યા છે. વાત એમ છે કે ઓલરાઉન્ડર હાર્દિક પંડ્યા વર્લ્ડ કપ 2023ની વચ્ચે ઈજાના કારણે હાલ તે આરામ પર છે અને સમાચાર એવા સામે આવતા હતા કે તે ટૂર્નામેન્ટ બાદ ઓસ્ટ્રેલિયા-ભારત T20 શ્રેણીમાં ફરી મેદાનમાં દેખાઈ શકે છે તેવી અપેક્ષા હતી, જેના પર સસ્પેન્સ છે અને હવે એવું સામે આવી રહ્યું છે કે ઓસ્ટ્રેલિયા બાદ યોજાનાર પ્રવાસમાંથી તે બહાર નીકળી શકે છે.
વર્લ્ડ કપ દરમિયાન હાર્દિકને ઈજા થઈ હતી
વર્લ્ડ કપ 2023માં ટીમ ઇન્ડિયા જોરદાર પ્રદર્શન કરી રહી છે. આ દરમિયાન ભારત અને બાંગ્લાદેશ વચ્ચે લીગ મેચ દરમિયાન હાર્દિકને ઈજા થઈ હતી. બોલ પકડવાના પ્રયાસ દરમિયાન તેને ગંભીર ઇજા થવા પામી હતી. બોલ તેના પગની ઘૂંટીમાં વાગતા તેને ગંભીર ઇજા પહોંચી હતી. આ પછી તરત જ તે મેદાનની બહાર નીકળી ગયો હતો. જે ટૂર્નામેન્ટમાં પાછો ફરશે તેવી ચાલકોને આશા હતી અને લોકો આતુરતાથી રાહ પણ જોતા હતા, પરંતુ થોડા દિવસો પછી BCCIએ એક અપડેટ જારી કરીને કહ્યું કે તેને સાજા થવામાં સમય લાગી શકે છે. જેથી તે ટૂર્નામેન્ટમાંથી બહાર થઈ ગયો છે.
ઓસ્ટ્રેલિયા શ્રેણીમાં રમવું મુશ્કેલ છે
વર્લ્ડ કપ 2023ની રવિવારે ફાઇનલ મેચને જેને પગલે ટીમ ઇન્ડિયા ગુજરાતના અમદાવાદ આવી ચૂકી છે. આ વર્લ્ડ કપ બાદ ભારત અને ઓસ્ટ્રેલિયા વચ્ચે 5 મેચની T20 શ્રેણી ખેલાશે. તેની પ્રથમ મેચ 23 નવેમ્બરે વિશાખાપટ્ટનમમાં રમાશે, જ્યારે છેલ્લી મેચ 3 ડિસેમ્બરે બેંગલુરુમાં રમાશે. આ સિરીઝમાં હાર્દિકના રમવા પર પહેલેથી જ સસ્પેન્સ છે. તેવામાં દક્ષિણ આફ્રિકાના પ્રવાસ માટે પણ હાર્દિક સંપૂર્ણ રીતે ફિટ નહીં હોય. તેવી શકયતા વર્તાઈ રહી છે.
