Happy Birthday Sachin Tendulkar / આજે ક્રિકેટના ભગવાનનો જન્મ દિવસ: આ છે સચિનના એવાં અદભુત 5 રેકોર્ડ્સ, જેને ભાગ્યે જ કોઇ તોડી શકે

ક્રિકેટમાં એક કહેવત છે કે કોઈ પણ રેકોર્ડ બને છે તૂટવા માટે..પરંતુ મહાન સચિન તેંડુલકરના નામે કેટલાક એવા રેકોર્ડ છે, જેને ભાગ્યે જ કોઈ તોડી શકશે. 24 એપ્રિલ 1973ના રોજ જન્મેલા સચિન તેંડુલકર આજે 51 વર્ષના થયા છે. સચિનને ​​તેના ચાહકો ક્રિકેટના ભગવાન કહે છે. આ કહેવા પાછળ ઘણા કારણો છે. સચિને જે રેકોર્ડ બનાવ્યા તે ભાગ્યે જ કોઈ એક ખેલાડી બનાવી શકે. આજે અમે તમને સચિનના આવા 5 રેકોર્ડ વિશે જણાવશું જેને તોડવું લગભગ અશક્ય છે.

 

 

 

 

View this post on Instagram

 

 

 

 

 

 

 

 

 

 

 

A post shared by Mumbai Indians (@mumbaiindians)

100 આંતરરાષ્ટ્રીય સદી
સચિન તેંડુલકરે આંતરરાષ્ટ્રીય ક્રિકેટમાં પોતાની કારકિર્દીની 100 સદી પૂરી કરી. આ એક એવો રેકોર્ડ છે જેને ભાગ્યે જ કોઈ બેટ્સમેન તોડી શકે છે. સચિનના નામે 664 આંતરરાષ્ટ્રીય મેચોમાં 100 સદી છે, જ્યારે વિરાટ કોહલી બીજા સ્થાને 20 સદી પાછળ છે. 24 વર્ષ સુધી આંતરરાષ્ટ્રીય ક્રિકેટ રમનાર સચિને ટેસ્ટમાં 51 અને વનડેમાં 49 સદી ફટકારી છે. જો કોહલીએ આ રેકોર્ડ તોડવો હોય તો તેણે વધુ 21 સદી ફટકારવી પડશે, જે અત્યારે શક્ય જણાતું નથી.

સૌથી વધુ ટેસ્ટ રન
સચિન તેંડુલકરે ટેસ્ટ ક્રિકેટમાં 15921 રન બનાવ્યા હતા. અન્ય કોઈ બેટ્સમેન 14000 ટેસ્ટ રન પણ બનાવી શક્યો નથી. સચિને 53.78ની એવરેજથી 15921 રન બનાવ્યા છે. આ સમયગાળા દરમિયાન, ટેસ્ટ ક્રિકેટના ઘણા આશ્ચર્યજનક રેકોર્ડ તેના નામે નોંધાયા હતા.

 

 

 

 

View this post on Instagram

 

 

 

 

 

 

 

 

 

 

 

A post shared by Sachin Tendulkar (@sachintendulkar)

સૌથી વધુ ટેસ્ટ મેચ 
સચિન તેંડુલકરે 16 વર્ષની ઉંમરે ટેસ્ટ ક્રિકેટમાં ડેબ્યૂ કર્યું હતું અને 40 વર્ષની ઉંમર સુધી રમવાનું ચાલુ રાખ્યું હતું. તેની લાંબી કારકિર્દી દરમિયાન તેણે 200 ટેસ્ટ મેચ રમી હતી. આ તે રેકોર્ડમાંથી એક છે જે તૂટવાની અપેક્ષા નથી.

સૌથી વધુ ODI મેચ રમી 
ટેસ્ટની જેમ સૌથી વધુ વનડે રમવાનો રેકોર્ડ સચિન તેંડુલકરના નામે છે. તેણે 463 વનડે રમીને નિવૃત્તિ લીધી. તેના પછી મહેલા જયવર્દનેનો નંબર આવે છે, જેણે 448 ODI મેચ રમી છે. તેંડુલકરે તેની છેલ્લી વનડે 2012માં રમી હતી.

વધુ વાંચો: આખરે IPLમાં કેમ સચિન તેંડુલકરની ક્યારેય બોલી નથી લાગી? જાણો સંપૂર્ણ ક્રિકેટ કરિયર વિશે

સૌથી વધુ ODI રન
ટેસ્ટ ક્રિકેટની જેમ સચિન તેંડુલકરે ODI ક્રિકેટમાં પણ સૌથી વધુ રન બનાવ્યા છે. માસ્ટર બ્લાસ્ટરે 44.83ની એવરેજથી 18426 રન સાથે પોતાની ODI કારકિર્દી પૂરી કરી. ODIમાં બેવડી સદી ફટકારનાર તે પ્રથમ પુરુષ બેટ્સમેન હતા. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો