જન્મદિવસ / હેપી બર્થ ડે રાહુલ દ્રવિડ "ધ વોલ"- ક્રિકેટ ઈતિહાસનો ઝળહળતો સિતારો

• પહેલી મેચ 1996માં ઈગ્લેન્ડના લોર્ડસ મેદાન ઉપર રમી હતી
• 509 ક્રિકેટ મેચ રમી છે જેમાં 336 કેચ  સાથે તે હાલ વિશ્વ ક્રિકેટમાં ચોથા નંબર પર
• 2018માં અંડર 19માં ભારતને આઈસીસી વર્લ્ડ કપ જીતાડ્યો હતો

રાહુલ દ્રવિડનો જન્મ 11મી જાન્યુઆરી 1973ના દિવસે ઈન્દોરમાં થયો હતો.  રાહુલના પિતાનુ નામ શરદ દ્રવિડ અને માતાનુ નામ પુષ્પા દ્રવિડ છે. તેની પત્નિનું નામ વિજેતા પેન્ધારકર છે. તેના ભાઇનું નામ વિજય દ્રવિડ છે. રાહુલ દ્રવિડના પુત્રનુ નામ સમીત છે. રાહુલ "ધ-વોલ" ના ઉપનામથી ઓળખાય છે. તે જમણા હાથનો ખેલાડી છે.

પહેલી મેચ 1996માં ઈગ્લેન્ડના લોર્ડસ મેદાન ઉપર રમી હતી

રાહુલે પોતાના પહેલી મેચ 1996માં ઈગ્લેન્ડના લોર્ડસ મેદાન ઉપર રમી હતી. અને 2012માં તેણે પોતાની છેલ્લી મેચ રમી હતી. 164 ટેસ્ટમેચમાં 13 હજારથી પણ વધુ રન બનાવનાર રાહુલ માત્ર બેસ્ટમેન જ નહતો પણ એક સરસ વિકેટકીપર અને સ્લિપ ફિલ્ડર પણ છે. સ્લિપ ફિલ્ડિંગમાં રાહુલનું નામ આતંરાષ્ટ્રીય લેવલે લેવાય છે. 

509 ક્રિકેટ મેચ રમી છે જેમાં 336 કેચ  સાથે તે હાલ વિશ્વ ક્રિકેટમાં ચોથા નંબર પર

164 મેચમાં 210 કેચ ઝડપ્યા છે. રાહુલ દ્રવિડે પોતાના જીવનમાં તમામ મેચ ગણીએ તો 509 ક્રિકેટ મેચ રમી છે જેમાં 336 કેચ  સાથે તે હાલ વિશ્વ ક્રિકેટમાં ચોથા નંબર પર છે. પહેલા નંબર પર 440 કેચ સાથે જયવર્ધન છે. 

હાલ છે ક્રિકેટ કોચ

રાહુલ હાલ અંડર 19 ટીમના યુવા ક્રિકેટરોને કોચીંગ આપે છે અને 2018માં અંડર 19માં ભારતને આઈસીસી વર્લ્ડ કપ જીતાડ્યો હતો. હાલ તે રાષ્ટ્રીય ક્રિકેટ એકડેમી (NCA)ના હેડ તરીકે  કામ કરે છે.