ધર્મ / ભારતના 5 એવા હનુમાન મંદિર જ્યાં દર્શન માત્રથી જ દૂર થઈ જાય છે દરેક મુશ્કેલીઓ, દેશ-વિદેશથી લોકો આવે છે દર્શને

• હનુમાનજીના આ મંદિરો છે ખૂબ જ પ્રખ્યાત 
• દેશ-વિદેશથી લોકો અહીં આવે છે દર્શન કરવા 
• આવો જાણીએ ભારતના આવા ખાસ મંદિરો વિશે 

હનુમાનગઢી, અયોધ્યા ઉત્તર પ્રદેશ-રામનગરી અયોધ્યા, જ્યાં વર્તમાનમાં રામ મંદિરનું નિર્માણ થઈ રહ્યું છે. અહીં પર સ્થિત છે રામ ભક્ત હનુમાનજીનું પ્રસિદ્ધ મંદિર હનુમાનગઢી. પૈરાણિક કથાઓ અનુસાર આ મંદિર પ્રભુ શ્રી રામે, લંકા પરત ફર્યા બાદ પોતાના સૌથી પ્રિય ભક્ત હનુમાનજીને આપ્યું હતું. 

આ મંદિરમાં આજે પણ તે નિશાન રાખવામાં આવ્યા છે જ્યાં લંકાથી પ્રભુ રામ આવ્યા હતા. અયોધ્યામાં રામ દર્શનની સાથે હનુમાનજીના આ મંદિરમાં દર્શન કર્યા વગર તમારી પૂજા અધુરી માનવામાં આવે છે. 

મોટા હનુમાનજી, પ્રયાગરાજ ઉત્તર પ્રદેશ 
આ મંદિરમાં હનુમાનજીની 20 ફૂટ લાંબી આડી મૂર્તી છે. આ પ્રતિમાના દર્શન માટે રોજ ભારે સંખ્યામાં ભક્તોની ભીડ લાગે છે. હનુમાનજીના આ સ્વરૂપના દર્શન વગર સંગમ સ્નાન અધુરૂ માનવામાં આવે છે. એવું કહેવામાં આવે છે કે વરસાદના સમયે હનુમાનજી જલમગ્ન થઈ જાય છે. આ સમયે તેમને કોઈ અન્ય સ્થાન પર લઈ જવામાં આવે છે. 

સાલાસર હનુમાન મંદિર, રાજસ્થાન 
હનુમાનજીનું આ પ્રસિદ્ધ મંદિર સાલાસર બાલાજીના નામથી પણ ઓળખાય છે. હકીકતે, આ મંદિરમાં સ્થિત હનુમાનજીની પ્રતિમામાં દાઢી અને મૂછો છે જેના કારણે પણ આ મંદિર ખૂબ જ પ્રસિદ્ધ છે. ધાર્મિક માન્યતાઓ અનુસાર બજરંગબલીના આ મંદિરમાં જે પણ ભક્ત સાચી શ્રદ્ધા અને સાફ મનથી પોતાની મનોકામના લઈને આવે છે તેમને સફળતા પ્રાપ્ત થાય છે. 

જાખુ ટેમ્પલ, શિમલા 
પ્રાકૃતિક સુંદરતાની વચ્ચે સ્થિત આ હનુમાન મંદિર દેશ-વિદેશમાં આવેલા શ્રદ્ધાળુઓ માટે એક પ્રસિદ્ધ આસ્થાનું કેન્દ્ર છે. જાખુ પર્વની ટોચ પર સ્થિત હોવાના કારણે પણ ઘણા લોકો આ મંદિરમાં દર્શન માટે પહોંચે છે. પૌરાણિક કથાઓ અનુસાર હનુમાનજી જ્યારે ભગવાન લક્ષ્મણ માટે સંજીવની લઈને આવ્યા હતા ત્યારે તેમણે માર્ગમાં આ મંદિર જોયુ જ્યાં યક્ષ ઋષિ તપસ્યા કરી રહ્યા હતા.  

વધુ વાંચોઃ હનુમાનજીની પૂજા સમયે કરો આ મંત્રનો જાપ, આફતમાંથી મળશે રાહત

ખમ્મમ હનુમાન મંદિર, તેલંગાણા 
આ મંદિરમાં હનુમાનજીની સાથે તેમની પત્નીની પણ પ્રતિમા સ્થાપિત છે જેના કારણે તે ખૂબ જ પ્રસિદ્ધ છે. આ મંદિરમાં હનુમાનજીની સાથે તેમની પત્ની સુર્વચલાની પણ પૂજા કરવામાં આવે છે. ધાર્મિક માન્યતાઓ અનુસાર હનુમાનજી બાળ બ્રહ્મચારી હતા એવામાં તેમના વિવાહનો રાઝ તેમના ભક્તોને આ મંદિરની તરફ આકર્ષિત કરે છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો