તારક મહેતા કા ઉલ્ટા ચશ્મામાં રોશન સિંહ સોઢીનું પાત્ર ભજવનાર ગુરુચરણ સિંહનો હજુ સુધી કોઈ પત્તો મળ્યો નથી. ગુરચરણ સિંહ 22 એપ્રિલથી લાપતા છે. તેના ગુમ થવાનું રહસ્ય વધુને વધુ જટિલ બની રહ્યું છે. હવે આ મામલામાં દિલ્હી પોલીસે એક સનસનીખેજ ખુલાસો કર્યો છે. પોલીસના જણાવ્યા અનુસાર, ગુરુચરણ સિંહ 10 થી વધુ બેંક એકાઉન્ટ્સ ઓપરેટ કરી રહ્યા હતા. ત્યારે કેસની પ્રારંભિક તપાસમાં એ વાત સામે આવી હતી કે તેનો ધર્મ તરફ ઝુકાવ વધી રહ્યો છે.
પોલીસે કર્યો નવો ખુલાસો
એક અહેવાલ અનુસાર, દિલ્હી પોલીસે ખુલાસો કર્યો છે કે ગુરુચરણ સિંહ 10 થી વધુ બેંક એકાઉન્ટ્સ ઓપરેટ કરી રહ્યા હતા. એક અહેવાલમાં સૂત્રોને ટાંકીને જણાવવામાં આવ્યું છે કે આર્થિક સ્થિતિ નબળી હોવા છતાં, ગુરુચરણે ઘણા બેંક એકાઉન્ટ્સ મેન્ટેન કરી રાખ્યા હતા. જયારે એક અન્ય અહેવાલ અનુસાર, ગુરુચરણ સિંહના એક કરતા વધુ જીમેલ એકાઉન્ટ હોવાનું પણ જાણવા મળ્યું છે.
ધર્મ તરફ વધી રહ્યો હતો ઝુકાવ
અહેવાલો અનુસાર, તેણે તેના ક્રેડિટ કાર્ડમાંથી રોકડ ઉપાડીને બીજા કાર્ડનાં બેલેન્સની ચુકવણી કરી હતી. ગુરુચરણ સિંહે છેલ્લે એટીએમમાંથી 14 હજાર રૂપિયા ઉપાડ્યા હતા. આ સિવાય હજુ સુધી કોઈ માહિતી સામે આવી નથી. પ્રારંભિક તપાસ દરમિયાન ગુરચરણ સિંહના પરિચિતો અને મિત્રોએ પોલીસને જણાવ્યું હતું કે અભિનેતાનો ધર્મ ઝુકાવ વધી રહ્યો હતો અને તેણે પહાડો પર જવાની વાત કરી હતી.
વધુ વાંચો: 'અબ નિવેદન નહીં, નરસંહાર હોગા', સાઉથવાળા પણ જોતા રહી જશે મનોજ વાજપેયીની ફિલ્મ Bhaiyya Jiનું ધમાકેદાર ટ્રેલર
ગુરુચરણ સિંહ 22મી એપ્રિલથી લાપતા
તમને જણાવી દઈએ કે, ગુરુચરણ સિંહ 22 એપ્રિલથી લાપતા છે અને હજુ સુધી તેમનો કોઈ પત્તો મળ્યો નથી. ગુરુચરણ સિંહ 22 એપ્રિલે મુંબઈ પહોંચવાના હતા, જે વ્યક્તિ તેમને રિસીવ કરવાના હતા તેને પણ ગેરમાર્ગે દોરવામાં આવ્યો હતો. હાલ પોલીસ આ કેસની સતત તપાસ કરી રહી છે.
