હવામાન અપડેટ / રાજ્યભરમાં કડકડતી ઠંડીનો અહેસાસ યથાવત, પવનની ગતિમાં વધારો થતાં વધી ઠંડી

Gujarat Weather : ગુજરાતમાં ફરી એકવાર હાડ થિજવતી ઠંડીનો અહેસાર થઈ રહ્યો છે. વાસ્તવમાં અમદાવાદ અને રાજ્યના અનેક વિસ્તારોમાં ઠંડી યથાવત છે. હવામાન વિભાગે જણાવ્યા મુજબ પવનની ગતિમાં વધારો થતા ઠંડીનું પ્રભાવ વધુ સમય સુધી રહેશે. તે મુજબ આગામી બે દિવસ લોકો ઠંડીના અસરનું અનુભવ કરશે.

હવામાન વિભાગના આંકડા મુજબ અમદાવાદમાં 14.1°C, ગાંધીનગરમાં 13.2°C, ડીસામાં 13.1°C, મહેસાણામાં 12.1°C, નલિયામાં 7.7°C, રાજકોટમાં 10.7°C, અમરેલીમાં 12°C, ભાવનગરમાં 13.6°C, કંડલામાં 10.1°C અને કેશોદમાં 10.1°C તાપમાન નોંધાયું છે.

આ પણ વાંચો : કડકડતી ઠંડીની વચ્ચે 4 રાજ્યોમાં વરસાદની ચેતવણી, અહીં જાણો કેવું રહેશે વાતાવરણ ?

હવામાન વિભાગે આગાહી આપી છે કે, બે દિવસ પછી ઠંડીમાં થોડી રાહત મળશે. હાલના તાપમાન અને પવનની સ્થિતિને ધ્યાનમાં લઈને લોકો ગરમ કપડા પહેરવા અને રાત્રે બહાર જાય ત્યારે સાવધાની રાખવાની સલાહ આપવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ